بو سوز که نقل اولوری معتبردور اسنادی #فاطمیه_محمدرضاصادقی

شهادت حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
#محمدرضاصادقی
.
بو سوز که نقل اولوری معتبردور اسنادی
کلام حضرت صادق عزیز زهرادی
.
آلوبلاحقّینی ظلمیله کوچه ده آنامون
سبب شهادت زهرایه رنج و ایذادی
.
سووشدی بیر نچه گون گل کیمی سولوب رنگی
گوروبله فاطمه ده حال ضعف پیدادی
.
گلوب تکلمه بیر گون شفیعه محشر
عم اوغلوسون نه گوروب اگلشوبدی تنهادی
.
وصیت ایلدی مولایه غسلیمی گجه ویر
گجیله دفن ایله بو جسمیمی گوارادی
.
نمازیمه دور ئوزون بیرده بسدی اولادیم
بقیعه گئتسه وجودیم عم اوغلی باجادی
.
دییوب وصیتینی نصف شب گوزون یومدی
نه گوردی حضرت مولا که حشر برپادی
.
حسن دییور سنی الله بیزیله بیرده دانیش
بو آیرلیق بیزه چوخ چوخ بلای عظمادی
.
حسین دییور منی ئوز ساقلقین کیمی دیندیر
بو طرزیله هاموسی بو بیانه گویادی
.
بو حالیده نه گوروب آند ایچور امام مبین
باسوبدی سینیه اولادینی نه سودادی
.
حسن دیور آنام ئولدی حسین دیور ایوای
آنادا آغلوری معناده نه قضایادی
.
گلوب قولاقینه سس یا علی آیور بولاری
یانان بو غمده ملائکدی عرش اعلادی
.
آیردی ایستدی زهرانی ایلسون تشییع
جنازه نی گوتوروب گوردی آیری غوغادی
.
دالینجا زینبی سسلور آپارمیون آنامی
که گوز یاشیم آنامون دردینه مداوادی
.
یری واریدی دییدی هارا گئدورسن آنا
قالوب سحر گئده سن بو قوناقه اولادی
.
قلم آلوبدی اله «صادقی»گلوب قاپوا
امیدی واردی بو درگه محل اعطادی
.
بقیع زیارتون ایستور اورکده حسرتی وار
اگر چه روسیهه بیر بیوک تقاضادی
.
.
#فاطمیه_شهادت
#بو_سوز_که_نقل_اولوری_معتبردور_اسنادی
#ترکی
.
✍️ #زبدةالاشعار ✍️
.
🆔: @nohe_torki