به میدان رفتن حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
بو قد طوبائیلن اکبردی رفتاره گلوب
بو شکر یا لعل شیرین دور که گفتاره گلوب
.
قول فعلی هم صفاتی بنزوری پیغمبره
قدرت یزدانه سیر ایت قد پدیداره گلوب
.
نقش صورت ده قیامت ایلیوب پروردگار
اکبری اکبر یارادّی حسنی انواره گلوب
.
رخصت میدان آلا تا جنگ ایده کفاریلن
خدمت سلطان دینه شاه و سرداره گلوب
.
عرض ایدوب دل تنگه گلدی فرصت ایستور اکبرون
ساغریم شوق می اوسته گورنه سر شاره گلوب
.
سن خلیل و من ذبیح الله و بوصحرا منا
موسم قربانی دور اکبر مدد کاره گلوب
.
راه عشقه اکبرون تأخیری جا ئز بولموری
تأخیر اتماق بوگونون مثلینده اَدْباره گلوب
.
گوردولر شهزاده نی عشق عالمینده محو یار
شورعشقه غرق اولوب دیدارِ دلداره گلوب
.
غالب اولموش عشقی عقله سسلوری جانانه سین
تاپماقا جان نقدی الده بیر خریداره گلوب
.
اذن آلوب میدان عشقه یوز قویوب ورْدی قدم
گوئیا احمدی جنگ خِیلِ کفّاره گلوب
.
سس دوشوب دور کوفیان ایچره باخون پیغمبره
بو گلن فرزند زهرایه ایده چاره گلوب
.
ابن سعد سسلندی احمد یوخ علی اکبردی بو
نصرت ایتسون قویمیون سلطان بی یاره گلوب
.
یو سف مصر وجود دی بو جوان ماهرو
اولماقا بو لشکر ایچره چون گرفتاره گلوب
.
توپراق اوسته قاننی ازدم توکون شمشیریلن
فکر ایدور جنگ ایتماقا بو خصم داداره گلوب
.
القرض کفّاره اولدی حمله ورحیدرکیمی
گوردولر چون مرتضی دور جنگ اشراره گلوب
.
حمله سین ویردی ادامه خسته جان اولدی زبس
گلدی گورسون تا آتاسین تشنه گفتاره گلوب
.
بو دلیم آغزیمدا دونمور بیر ایچیم سو ویر بابا
جسمیدن صلب توان اولدی گوزوم تاره گلوب
.
باخ آتالیق مهرینه قویدی لب لعلین لبه
بو ایشین بیر رمزی واردی گزلین اسراره گلوب
مُهرخاموشی لب اکبرده نقش ایتدی دیدی
گیزلده بو سّر عشقی عاشقه چاره گلوب
سوی میدانه قییتدی با دل امیدوار
بارسرّی حمل ایدور بو سرّ ستاره گلوب
.
تیر باران ایتدولر اولدی هدف چون اوخ لارا
یاره تعدادیندن آچدی جسمی خونباره گلوب
.
نوش جان ایتدی شهادت جامی اکبر ویردی جان
نوش ایدنمز کیمسه «عدلی»تک سزاواره گلوب
.
.
#اکبریه_عدلی_تبریزی
#اکبریه_شهادت
#بو_قد_طوبائیلن_اکبردی_رفتاره_گلوب
#ترکی
.
✍️ #زبدةالاشعار ✍️
.
🆔: @nohe_torki
نظر دهید