بو نصف شب بابا شمر و سنانیدن دئ منه #حضرت_رقیه_تایید_تبریزی

زبانحال حضرت رقیه(س) با پدر
در خرابه شام
..
..
..
..
مرحوم حاج محمدعلی نیکوکار (تایید تبریزی)
..
..
..
..
بو نصف شب بابا شمر و سنانیدن دئ منه
جنایت سپه شامیانیدن دئ منه
..
..
..
..
آنام بتوله چوخ اوخشار منیم غمیم باخیشیم
غم آتشینده بابا قویما چوخ یانوم آلیشیم
دانیش منیله بیر آن منده دیل آچوم دانیشیم
دوداقلاریوا دگن خیزرانیدن دئ منه
..
..
..
..
او کسلری که سنون باشیوی بو حاله سالوب
خرابه شامیده چوخ انتقام مندن آلوب
یوزومده شمر ووران سیلیدن نشانه قالوب
آنام یوزینی ایدن نیلی ثانیدن دئ منه
..
..
..
..
دوشوب خیالیمه اوضاع دشت کرب و بلا
باشیوی کسدی او صحراده شمر شوم دغا
سنی منیم خانم عمّه م سنی آنام زهرا
ایکی الیوی کَسَن ساربانیدن دئ منه
..
..
..
..
باشیوا من دولانیم باشوین بلاسی ندور
بو قدر یاره دگوب بولمورم جزاسی ندور
بو لبلروندن آخان تازه قان یاراسی ندور
او یارہ دن بو آخان تازه قانیدن دئ منه
..
..
..
..
بولوردون آخر عمرومدی بو گیجه باباجان
منی آپارماقا تک گلموسن سنه قربان
نیه گتورمه میسن اکبری شه عطشان
ندندی گلمیوب اول مهربانیدن دئ منه
..
..
..
..
گلنده کوفه ده زنداندا بیر گیجه قالدوخ
گیجه نی صبحه کیمی یاده هی سنی سالدوخ
باشون سراغینی آل امیّه دن الدوخ
سنی قوناق آپاران میزبانیدن دئ منه
..
..
..
..
سحر اولاندا نه گوردوم باشون اوخور قرآن
فصیح صوتیوه قرآنیان قالوب حیران
سسون کسیلدی نه گوردوم آخور باشوندان قان
سنه نه گلدی همان داستانیدن دئ منه
..
..
..
..
خرابه شامه کیمی شامی چون خبر آلدیم
بلالی عمّه میده غصّه و غمه سالدیم
بابا گوزوندن ایراق چولده بیر گیجه قالدیم
نه چکموشم دیمورَم سن او آنیدن دئ منه
..
..
..
..
قاچوب اویان بویانا سسلدیم سنی داده
سسیمه سس ویرن اولموب منیم او صحراده
آنام یتیشدی فقط دادیمه او اثناده
دیدیم آنا او گیدن کاروانیان دئ منه
..
..
..
..
#حضرت_رقیه #تایید_تبریزی #ترکی #حضرت_رقیه_شهادت #زبدةالاشعار