بو چولده منیم یوخ دادرسیم #عباسیه_صافی_تبریزی

استمداد حضرت ابوالفضل (ع)
.
.
مرحوم صافی تبریزی
.
.
بو چولده منیم یوخ دادرسیم
امدادیمه گل قارداش ئولورم
وار سنده گوزوم تا وار نفسیم
فریادیمه گل قارداش ئولورم
.
.
هرگز دگی بو محتاج بیان
دلدن دیمورم گل گور منی یان
چون جان ویرورم ای جان جهان
فریادیمه گل قارداش ئولورم
.
.
دنیانی پوزار ذکری بو غمون
حالی نه اولور اهل حرمون
قول گیتدى قالوب یرده علمون
فریادیمه گل قارداش ئولورم
.
.
آلسان سسیمی یاده سالوسان
بو حالی گوروب بیر کام آلوسان
افسوس که سن یالقوز قالوسان
فریادیمه گل قارداش ئولورم
.
.
باش اوسته اگر قارداش گله سن
دوندرمم عبث یوز قبلیه من
ای قبلۀ دل ای شاه زمن
فریادیمه گل قارداش ئولورم
.
.
گل مشکی آپار گورسون بالالار
راضی دگلم آغلار قالالار
سویله باجیلار قاره سالالار
فریادیمه گل قارداش ئولورم
.
.
من جام وفا مستانه سیم
دنیا غمنون بیگانه سیم
عالمده حسین دیوانه سیم
فریادیمه گل قارداش ئولورم
.
.
هر کیمسه نی سن ارشاد ایلدون
باطنده اونا امداد ایلدون
بولجک ویروری جان یاد ایلدون
فریادیمه گل قارداش ئولورم
.
.
جان ملکنی من ترک ایله میشم
دلدن هوسی ترک ایله میشم
اؤز سؤدوقومی درک ایله میشم
فریادیمه گل قارداش ئولورم
.
.
هر چند اولور ای میر عرب
قارداش دیماقیم بیر سوء ادب
بو جرأتیمه لطفوندی سبب
فریادیمه گل قارداش ئولورم
.
.
درد اهلی بولر درد دلیمی
سن حل ایده سن هر مشکلیمی
نه خوشدی سوسوز سقا ئولومی
فریادیمه گل قارداش ئولورم
.
.
بولسن بو قدر زیبنده منی
تاپسان تاپاسان شیونده منی
بو لشکر ایدوب شرمنده منی
فریادیمه گل قارداش ئولورم
.
.
ای منبع هر احسان و نعم
بو «صافیه» قیل لطفونله کرم
ای دادرسیم فریاد رسیم
فریادیمه گل قارداش ئولورم
.
.
#عباسیه #صافی_تبریزی #عباسیه_شهادت #ترکی #زبدةالاشعار