بو گوروش آخر گوروشدور سنله لیلایه علی #اکبریه_امیر_رستم_نژاد

زبانحال حضرت لیلا(س)
در وداع حضرت علی اکبر (ع)
..
..
..
امیر رستم نژاد اردبیلی
..
..
..
بو گوروش آخر گوروشدور سنله لیلایه علی
بوسه لر قوی خرج ائدیم اول چشم شهلایه علی
..
..
..
عمریمه زینت وئروبدور دولت عشقون سنون
چکمیشم اون سگیز ایلدور زحمت عشقون سنون
ایلیوب لیلانی مجنون قدرت عشقون سنون
سالما ئوز مجنونوی بو دشت و صحرایه علی
..
..
..
قاشلارون یاده سالور شمشیر مولانی اوغول
نور رخسارون ائدور تفسیر قرآنی اوغول
هر نگاهون در به در ایلور زلیخانی اوغول
ای مدینه یوسفی رحم ایله لیلایه على
..
..
..
اکبریم عمرون مثال عمر زهرا کم اولار
لیلیه داغ فراقون محنت اعظم اولار
گئتمه صبر ایله کی سنسیز قد عالم خم اولار
درد هجرون ایلیر تاثیر دنیایه علی
..
..
..
شبنم زیبا، پگاه دلنواز عشقیسن
یادگار مرتضی ماه حجاز عشقیسن
آیه آیه مصحف حقسن نماز عشقیسن
کعبه تک قبله اولوبسان هر مُصلّایه على
..
..
..
عاشق بی اختیار لالۀ رویت شدم
لیلی لیلا توئی، دیوانۀ کویت شدم
هر شبانگاهان دعا گوی دو ابرویت شدم
بد نظر گوز ویرماسین آخر بو سیمایه علی
..
..
..
زلفوین هر تاری چکمیش بنده مین فرزانه نی
شمع رخساروندی مفتون ایلین پروانه نی
گوزلرون حیرتده قویموش گردش پیمانه نی
طلعتون عرش وجاهتده دگر آیه علی
..
..
..
#اکبریه #امیر_رستم_نژاد #اکبریه_شهادت #ترکی #زبدةالاشعار