بعثت حضرت رسول(ص)
.
#زبدةالاشعار
.
: @nohe_torki
.
حاج مجید اشکی تبریزی
.
بو گونده حقّدن امر اولدی شاه بطحایه
که اوز نبوّتیوی ظاهر ایله دنیایه
.
بئله یازولّا که اوچ میل مکّه ده بیر کوه
دئیوبله روز ازلدن حراء او مأوایه
.
گلردی احمد مختار اکثر اوقات
عبادت ائتماقا درگاه حیّ یکتایه
.
گلوب مطابق معمول او یئرده اگلشدی
همان او گونده یتوب وحی حق او مولایه
.
مراجعتده ایشتدی بو سس گلور ناگاه
دئیور که حمد اولا درگاه حی اعلایه
.
که سن رسول خداسن منیم آدیم جبریل
سنه خدا طرفیندن گتورموشم آیه
.
خدادن امر اولونوب ای محمّد عربی
که خلقی دعوت ائله دینِ حقِّ کبرایه
.
پیمبرین بدنی اضطرابیله دولدی
ایشتدی ملتفت اولدی همین بو معنایه
.
اوزینده حسّ ائلدی قدرت نبوّتینی
اودور سُرور وئروب یوز او شاه بطحایه
.
مراجعت ائلیوب منزله شه بطحا
او اضطرابیله داخل اولوبدی مأوایه
.
خانم خدیجیه احوالینی بیان ایلدی
او سرّه مَحرمی حالی ائدوب قضایایه
.
خدیجه چون او شهین صدق قول و رفتارین
بولوردی عُلقه یتورموشدی میر بطحایه
.
دوروبدی گلدی عموسی ورقه نین یانینا
اونون بولوردی که وار علمی بیحد و پایه
.
قضیّه نی دئدی وئردی جواب اونا ورقه
محمّدین یتوشوبدور مقامی بالایه
.
بو جبرئیل هماندور که طور سیناده
گتوردی وحی خدادن او وقتده موسایه
.
بودور پیمبر اکرم رسول عالمیان
بونون فضیلتی وارانبیا و عیسایه
.
خدیجه نین چوخالوبدور بو سوزده ایمانی
قیتدی بیعت ائدوبدور رسول والایه
.
گلوبدی کعبیه اوّل پیمبراکرم
دوشوب بو فکره وئره دین حقّه پیرایه
.
ازل خدانین ائوین یدّی دفعه ایتدی طواف
قویوبدی حکم خدانی او گوندن اجرایه
.
ائدوبدی دینه ازل اوز قبیله سین دعوت
قریش طایفه سی یتدی اجر عظمایه
.
قوتاردی خلقی جهالتدن ایلدی عالم
جهانی لرزیه دولدوردی باخ تجلّایه
.
هزار حیف بو زحمتلرین مقابلینه
سالوبلا گور نقدر محنت و بلایایه
.
ووروبلا سنگ جفا سجده گاهی چاک اولدی
دوزوب نقدر یتوب حق یولوندا ایذایه
.
بو یئرده یادیمه سلطان کربلا دوشدی
یوزوم دولاندی گینه اول بلالی صحرایه
.
حسینه ارث قالوب باش یاراسی جدّیندن
نچونکه رتبه ده وارثدی جدّی طاهایه
.
گواه دور بو سوزیمده زیارت وارث
ایشقلی گون کیمی واضحدی پیر و بُرنایه
.
اوخورسان اوردا که یا وارث خلیل الله
ائدر اشاره او داش یاره سی بو معنایه
.
دوشوبدی درگهوه یا حسین دخیل «اشکی»
سن ایسته حق اونا ویرسون بیر عالی سرمایه
.
.
#مبعث #اشکی_تبریزی
#پیامبراسلام
#بو_گونده_حقدن_امر_اولدی_شاه_بطحایه
#ترکی
.
#زبدةالاشعار
.
: @nohe_torki
نظر دهید