شهادت امام حسن (ع)
.
.
ـــــــــــــــــــ
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر … #سبک_بیا_یابن_الحسن_آرام_جانم
واگیر ها از #مصیبی_تبریزی
.
با صدای حاج غلامعلی امامی
پخش‌کننده صوت
.
مرحوم حسینی سعدی زمان و مصیبی تبریزی
.
بو گون زهرا گلوب شور و نوایه
ائدر ناله اؤز اوغلی مجتبایه
.
دیر گلزار عمریمده سمن وای
اولان زهریله جسمی یاسمن وای
قالان قبری خرابه وای حسن وای
مزاری اوسته نه سقف و نه سایه
.
(انیس جانین اوللام
بلا گردانین اوللام
بقیعین خلوتینده
ئوزوم مهمانین اوللام)
.
واویلا آه و واویلا ، واویلا
.
.
.
.
بالام بیر عمر دل مغموم اولوبدی
ستمله عاقبت مسموم اولوبدی
حسنیمدن ، حسن مظلوم اولوبدی
دوزوب عمرینده هرجور وجفایه
.
(گولوم روح چمن دی
صفای انجمندی
حسین دورجسم عشقیم
اونون روحی حسندی)
.
.
.
.
اولوبدور آل هندین خوار الینده
گل عمری سولوبدور خار الینده
حیاتیندن دویوب اشرار الینده
اولوب حالی مؤثّر ماسوایه
.
(صولان گلزاره قربان
کمک سیز یاره قربان
او زهریلن ایاقدان
دوشن سرداره قربان)
.
.
.
.
نجه یوخدور نظیری شوکتینده
سخا و علم و حلم و حکمتینده
ایله یوخ مثلی مظلومیّتینده
دوزوب اؤز علم وحلمینجه بلایه
.
(سوزی ارزنده گوهر
یوزی تابنده اختر
بلاغتده شرفده
بالام تندیس حیدر)
.
.
.
.
حسن بیر عمر پابند غم اولدی
مبارک خاطری دردیله دولدی
قزل گل تک خزان اولدی پوزولدی
یانوب قلبی چخوب آهی سمایه
.
(یانوبدور قلب عالم
اسنده صرصرغم
دگوب زنگار قاتل
سینوب تندیس خاتم)
.
.
.
.
گورنموب عالم ناسوت ایچینده
جنازه اوخلانا تابوت ایچینده
ملک لر عالم لاهوت ایچینده
یری وار آغلاسون بو پیشوایه
.
(او تابوت اوخلانوبدی
ئورکلر اودلانوبدی
بودور علت او پیکر
بقیعده دفن اولوبدی)
.
.
.
.
حسن تابوت ایچینده اوخلانوبدی
حسینون جسمی امّا دوغرانوبدی
حسینون خیمه گاهی اودلانوبدی
چخوب دود خیام عرش خدایه
.
(اولاندا وقت غارت
اولوب برپا قیامت
بلا نارینده یاندی
همان اخیام عترت)
.
.
.
.
حسن جسمی خدنگیله اؤیولدی
حسینون پیکری یکسر سویولدی
کفن سیز پیکری قبره قویولدی
وورولدی نازنین باشی جدایه
.
(چیخاندا باش جدایه
گلوب زینب نوایه
که ای گون سن غروب ائت
گلوب گون کربلایه)
.
.
.
.
حسین قویدی حسن جسمین مزاره
حسینون جسمی اولدی پاره پاره
تاپولموب بیر کفن اول شهریاره
که اولموشدی اونا جبریل دایه
.
(او ساعت پیک رحمان
ائدردی آه و افغان
دیئردی یانه یانه
کفن سیز نعشه قربان)
.
.
.
.
گلوب سجاد دفن ائتسون آتاسین
سویوبلار جسمدن گوردی لباسین
کفن یوخ عور دور اول سبط یاسین
قناعت ایلدی بیر بوریایه
.
(گوزوندن آخدی قانیاش
ائدوبدورناله سین فاش
دئدی بو پیکروندور
جدالرده گزور باش)
.
.
.
.
امام هشتم ای شمس امامت (1)
عمون مسموم اولوب باشون سلامت
ائدوبدر دخت اشعث بیر جسارت
که اود ووردی دل خیرالنسایه
.
(سن ای شاه سلاطین
چاتان عرشه صلاتین
عمون عشقینده مولا
بقیعین وئر براتین)
.
.
.
.
#حسینی ایله بو ماتمده ناله
حسینون دفن و کفنین سال خیاله
حسینی قیل وسیله ذوالجلاله
نصیب ائتسون گئداخ کربوبلایه
.
(«#مصیب»باغری قاندی
آدوندان دویمیاندی
بیلورسن کربلانین
فراقینده یاناندی)
.
ـــــــــــــــــــ
(1) در حرم امام رضا (ع) سروده شده است
.
.
.
#حسنیه_شهادت
#سعدی_زمان
#بو_گون_زهرا_گلوب_شور_و_نوایه
#آثارالحسینی1 ص 86
#ترکی
#زبدةالاشعار
#زبدةالاشعار 
: @nohe_torki . مرحوم عبدالعلی ترابی قفقازی . او گون اولمادی قیامت نیه کربلاده یارب که دوشنده قتلگهدن گذر جناب زینب . . یتوشوب ولیة الله چون او موقف ستیزه نظر ایتدی حشر و نشره عرصاتبیشتر
نظر دهید