بیت حقده گلوب عالمه مرتضا #حیدریه_تائب_تبریزی

ولادت حضرت علی (ع)
.
#زبدةالاشعار
.
: @nohe_torki
.
#سبک_همه_جا_بروم …
.
مرحوم تائب تبریزی
.
بیت حقده گلوب عالمه مرتضا
کعبه نی دولدوروب نور وجه خدا
مرحبا مرحبا مرحبا مرحبا
.
.
تا قدم كعبیه قویدی شاه نجف
دؤندی بیت خدا اولدی بیت الشرف
سر بسر عالمی دوتدی شور و شعف
بزم شادی قوروب یكسر اهل سما
مرحبا مرحبا مرحبا مرحبا
.
.
کنز پنهانیدی گوله بیت الحرام
آلدى بو گوهری تاپدی عالی مقام
اولدی آدی علم دهرده مستدام
فاطمه چون صدف گوهری مرتضا
مرحبا مرحبا مرحبا مرحبا
.
.
ملک لاهوت ده بیر ایشیق آفتاب
ملک ناسوتده مشتهر بو تراب
تک سلونی دیَن اؤزی ام الکتاب
مکه بو فخریله اولدی ام القرى
مرحبا مرحبا مرحبا مرحبا
.
.
رشگ طوبا اولان سرو ساقامتی
فوق اعلا اولان قدریله قیمتی
چولقیان عالمی عزت و شوکتی
روح صدق و صفا جان مهر و وفا
مرحبا مرحبا مرحبا مرحبا
.
.
قویدی بیته قدم روح بیت الحرام
چوخ بیوک ارتقا تاپدی رکن و مقام
هم صفا مرویه آرتروب احترام
آرزویه یتوب مشعریله منا
مرحبا مرحبا مرحبا مرحبا
.
.
تالی مصطفا نفس طاهاعلى
بعد احمد اولان خلقه مولا علی
هم مقامی اولان فوق و اعلا على
خسرو لافتی معنی هل اتی
مرحبا مرحبا مرحبا مرحبا
.
.
عالم عقلده عقله میزان اولان
عالم عدلده عدله برهان اولان
ظالمه خصم اولان عدله قربان اولان
ایله بیر عادله جمله جانلار فدا
مرحبا مرحبا مرحبا مرحبا
.
.
گلدی پیغمبره یاور بی نظیر
هم علمدار دین هم رسوله وزیر
هم رسوله وزیر هم مُشار و مُشیر
بیله بیر یاوره مرحبا مرحبا
مرحبا مرحبا مرحبا مرحبا
.
.
عالمی دولدوروب شور بی ریب و شک
غرق شادی اولوب عرش و فرش وفلک
عرش و فرش و فلک جن و حورو ملک
شاد اهل زمین خرّم اهل سما
مرحبا مرحبا مرحبا مرحبا
.
.
پخش اولوب نکهت سرور مؤمنین
عطر مولائیله دولدی روی زمین
یر یوزین ایلدی رشک خلد برین
ایله دنیا یوزی تاپدی ذوق و صفا
مرحبا مرحبا مرحبا مرحبا
.
.
هرکس آلدى اله أؤپدی گل تک یوزین
بیر تماشائیله محو قلیدی اؤزین
آچمادی باخماقا لیک او مولا گوزین
هاشمی لردوشوب حیرته بر ملا
مرحبا مرحبا مرحبا مرحبا
.
.
تا ابوطالبه یتدی بیله خبر
بیله بیر عالمی ایتدی مد نظر
گوردی آچمور گوزین اولدی خونین جگر
بولدی بو عالمی گلدی شمس الضحی
مرحبا مرحبا مرحبا مرحبا
.
.
آلدی آغوشینه باغ عشقین گلین
دارادی مهریله تل به تل سُنبلین
بیرده ویردی اونون كامینه اؤز دلین
گوردی مولا گلور نکهت آشنا
مرحبا مرحبا مرحبا مرحبا
.
.
دوست عطرین آلوب آچدی شهلا گوزین
آشناسین گوروب محو قیلدی اؤزین
مصطفا مهریله أؤپدی مولا یوزین
قووشوب مهر و مه حشر اولوب گوئیا
مرحبا مرحبا مرحبا مرحبا
.
.
بالانی ردّ ایدوب آنیه مصطفا
مرتضائی باسوب فاطمه باغرینا
بیله بیر صحنه دن یاد اولور کربلا
واریدی اوردا بیر سود امر بیر آنا
مرحبا مرحبا مرحبا مرحبا
.
.
گل آلار بلبلی نجه بوداقینه
آناسی اصغرین آلدى قوجاقینه
اؤپدی دوداقینی قویدی دوداقینه
توکدی گوز یاشینی سویلدی جان بالا
مرحبا مرحبا مرحبا مرحبا
.
.
یعقوب نوحه خوان ایستدی بوسوزی
یازدی تائب سوزی اولدی سوزلرگوزی
دعوت ایت یا علی نوحه خوانی اؤزی
سنه جمعیله بیر وقفه زوّار أولا
مرحبا مرحبا مرحبا مرحبا
.
.
#حیدریه_تائب_تبریزی
#حیدریه_میلادیه
#بیت_حقده_گلوب_عالمه_مرتضا
#ترکی
.
#زبدةالاشعار
.
: @nohe_torki