بیر اوخ گلوب عباسین ایشی مشکله دوشدی #عباسیه_عدلی_تبریزی

شهادت حضرت ابوالفضل العباس علیه السلام
..
..
حاج اصغر فرشچی ( عدلی تبریزی )
..
..
بیر اوخ گلوب عباسین ایشی مشکله دوشدی
آخدی سو یره آیریلیق آهی دیله دوشدی
..
اللرده سو جامی بالالار گوزلوری سقا
سقاده سو یوخ باش یارا قولاّر چوله دوشدی
..
سسلردی گله گون گوره آی دوشدی خسوفه
باتدی ایاقی توسن عشقین گِله دوشدی
..
سسلردی سنی گورماقا قارداش هوسیم وار
گل صون نفسیمده گوره گوزلر گوله دوشدی
..
تعجیل ایله اون یدّی نفر باش کسنیم وار
قویما گوره زینب باشیم اَلدن اَله دوشدی
..
ادرکنی سسی ایتدی حسینون قدینی خم
اهل حرمین جانینه مین وَلوَله دوشدی
..
امدادینه گلدی باشینی آلدی دیز اوسته
گوز یرده آخان قان یارالاردان سِله دوشدی
..
گوردی ایکی قول یوخ یارا جسمین کیچیدیبدی
بولدی آریه مهر و مهین فاصله دوشدی
..
فرمایش ایدوب عشقیمه هم پایه ابوالفضل
بو چولده اوغولسوزلار ایشی مشکله دوشدی
..
دوزدوم غمه عشق اوسته جهانون گوزی اولسا
گورمز من و معشوق آراسیندا گله دوشدی
..
عشاقه هدف عشقیدی معشوقه یتیشسون
هرگز دیمز عاشق ایله دوشدی بله دوشدی
..
یاز نوحه ابوالفضل و حسینه اوخی «عدلی»
گوز یاشیوی توک گور نئجه شور محفله دوشدی
..
..
..
#عباسیه #عدلی_تبریزی #عباسیه_شهادت #ترکی #زبدةالاشعار