حالات حضرت صغری (س)
.
#زبدةالاشعار
.
: @nohe_torki
.
مرحوم صدری اردبیلی
.
بیر نامه کعبه دن بطحایه یازدیلار
ام البنینیلن صغرایه یازدیلار
.
.
فهرست نامه سین ازّل او شاه دین
نام خدائیلن تزئین ائدوب حسین
مرقوم ائدوب صورا بو شرطیلن همین
با عرض سلامینی طاهایه یازدیلار
.
.
اوندان صورا یازوب بیر غملی ماجرا
یعنی قیزیم داخی گوز تیکمه یوللارا
من زار و بیکسی بو قوم بی حیا
عریان دوشم گرک صحرایه یازدیلار
.
.
گئت روضه ی بابام ختم پیمبره
مندن سلام ائله اول شاه محشره
سالدی منی عدو سؤیله بو چوللره
دیدارینی داخی عقبایه یازدیلار
.
.
بیر عده قتلیمه ائتمیش منیم قیام
ائتسون دعا سؤله زهرا منیم آنام
قویمادیلار اولا حجیم منیم تمام
مین نامه ظلمیلن دعوایه یازدیلار
.
.
گئتدوم عراقه من اوردا مكان ائدم
کرب و بلا چولین باغ جنان ائدم
فرصت یوخومدی چون شرح بیان ائدم
قربان منی ائله مینایه یازدیلار
.
.
واردور یانیمدا اول شیر دلاوریم
عباس باوفا سردار لشگریم
یوخ واهمه هله قورخماز حرملریم
ضیغم او سروری هیجایه یازدیلار
.
.
دور و بریمده دور اولاد مصطفا
هم فضل و جعفریم هم شبه مرتضا
باخدوقجا اكبره لیلا ائدر نوا
مین غصه لر دل لیلایه یازدیلار
.
.
گل عرض ائدک اونا ای شاه مشرقین
یازدون عجب خبر صغرایه یاحسین
ناخوشدی غصّه دن نیلر او نور عین
لیلائیلن اونی زهرایه یازدیلار
.
.
قان آغلا ای گوزوم سال یاده زینبی
قارداش غمینده اول افتاده زینبی
مظلوم حسینیلن دنیاده زینبی
هر درد و غصّه ده همپایه یازدیلار
.
.
عالم فدا اونون محنتلی حالینه
قارداش یولوندا اول پوزقون جلالینه
بو دردیلن ئولوب یتدی مآلینه
هئچ باخمادی داخی دنیایه یازدیلار
.
.
قربان اولوم ائله درد و مصیبته
زینب دوشن غم و اندوه و محنته
چوللرده جان وئروب یتدی شهادته
گلمز قلم داخی انشایه یازدیلار
.
.
#حضرت_صغری #صدری_اردبیلی
#بیر_نامه_کعبه_دن_بطحایه_یازدیلار
#ترکی
.
#زبدةالاشعار
.
: @nohe_torki
نظر دهید