تسلیت عرض ایلیرم یا فاطمه #کاظمیه_واصف_مرندی

یاباب الحوائج یاموسی بن جعفر (ع)
.
زبدة الاشعار
.
: @nohe_torki
.
واصف مرندی
.
تسلیت عرض ایلیرم یا فاطمه
عالم امکان باتوبدور ماتمه
.
اهل بیته محنت حسّاسیدی
حضرت موسی بن جعفر یاسیدی
.
گلمیشوق قان آغلیاق هجرانینه
اون بیر ایل هارون یازان زندانینه
.
حقّ مشهوری مراعات اولمادی
اون بیر ایلده بیر ملاقات اولمادی
.
قالدی یثربده پریشان عترتی
آغلادی هجرانینه قان عترتی
.
اون بیر ایل خانه فضاسین گورمه دی
قالدی حسرتده رضاسین گورمه دی
.
یاندی هجران دردینه معصومه سی
یثربی پوزدی غریبیم وای سسی
.
سند الیندن چکدی زنداندا نلر
کیم یهودینین الیندن دینجه لر
.
اولماسا زندان بانین گر دینی
ائشمه ائشمه محکم ایلر قمچینی
.
هر اسیرین ال قولون باغلار ویرار
ضربتی هاردان توخانسا سیندیرار
.
سند آچدی هرزمان قمچی سوزی
آغلادی موسی بن جعفرده ئوزی
.
گور هله آل امیّه نیلدی
قمچی آلتیندا رقیّه نیلدی
.
کوفه و شامین بلالی یولّاری
یول یول اولموشدی ربابین قولّاری
.
زینبین باش یاره سیندن قان آخیر
محمل اوستوندن بالا قیزلار باخیر
.
سسلدی قارداش جدادن باخ منه
اگمرم بو قانلی باشی دشمنه
.
.
#کاظمیه_شهادت
#تسلیت_عرض_ایلیرم_یا_فاطمه
#واصف_مرندی
#ترکی
.
#زبدةالاشعار
.
: @nohe_torki