تقی آقا امام المتقیندی #جوادیه_معروف_اهری

در مدح و شهادت حضرت امام جواد علیه السلام
.
زبدة الاشعار

?: @nohe_torki
.
ابوالفضل عباسی معروفان اهری
.
تقی آقا امام المتقیندی
یقینا سرور اهل یقیندی
.
منزه بنده ناب خداوند
خدایه چاتماقا حبل المتیندی
.
سخاوت اللری ذاتینده واردی
مکرمدور کرمده بی قریندی
.
ئوزی گنجینۀ مهر و محبت
بلا شک گوهر در ثمیندی
.
رضا اوغلی رضای حقه راضی
امانتداریدور دینه امیندی
.
خدا یئرده وئروب شان و جلالین
ملک لر تک ولی بالا نشیندی
.
بو گون شیعه جواده یاس دوتوبدی
زمین و آسمان یکسر حزیندی
.
ائدوبدور ییرمی بش ئیل عمر اما
بلالر لشگری بو غمکشیندی
.
اولوب مسموم زهریلن بو معصوم
چتین لحظه او حالی مضطریندی
.
دولاندیردی یوزون کرب و بلایه
دئدی عشقیم فقط جدیم حسیندی
.
دوشوبدور یادیمه شاه شهیدان
ائله حالیم پریشان و غمیندی

چخور جانیم نفس دوشموش شماره
بو آخر لحظه لر دوزدور چتیندی
.
ولی جانیم فدا اولسون حسینه
که جسم بی سریلن مقتلیندی
.
یانوبدور سینه سی قارداش غمیندن
عزادار نگار مه جبیندی
.
جوان اوغلی اولوب گل مثلی پرپر
سه شعبه اوخدا حلق اصغریندی
.
اوغولسوز بی کفن گئتدی مزاره
مصیبتلرده عمم زینبیندی

.
#جوادیه_مدح
#جوادیه_شهادت
#تقی_آقا_امام_المتقیندی
#معروف_اهری
#ترکی
.
#زبدةالاشعار

?: @nohe_torki