تمام کون ومکانین صفاسیدور آقامز #مهدیه

یا مهدی
.
#زبدةالاشعار
.
: @nohe_torki
.
حاج اسماعیل فرشی ازهر( غمخوار )
.
تمام کون ومکانین صفاسیدور آقامز
جهان واهل جهان پیشواسیدور آقامز
.
کُْرات گر یوز اولا حق یارالدا بیر قُلّه
همان اوقُلّه نین الحق هماسیدور آقامز
.
اوبش نفرکه اولوب کّل خلّقته بانی
همان اوبش نَفرین دلربا سیدور آقامز
.
پیمبر و علی و فاطمه ، حسن و حسین
خبر وئروبله بهشتین آقا سیدور آقامز
.
بوشاهکارخداوندجلّ اعلادور
هامی نبیّ و وصیلر نما سیدور آقامز
.
اولارداهرنکی وار بوندا جمع ایدوب خالق
تمام سوزلرینون ابتداسیدور آقامز
.
جهاندا خامه لرعاجز قالوبدی مدحینده
نچونکه مدحلرین انتهاسیدور آقامز
.
دیسم که نوری بونون گُوندی یامَه تابان
نه مِهر و مَه که فلکلرضیاسیدور آقامز
.
دیسم گوزلدی گوزلیق پایین آلوب بوندان
گوزللرین گوزلِ بر ملاسیدور آقامز
.
ایکی جهانه دَیر بیرباخشی، بیرخالی
تمام ماخلقین مه لقاسیدور آقامز
.
ائله ملیح یارالدیب ملاحتی یارادان
هامی ملیحلر انگشت نماسیدور آقامز
.
شرف و عزّت وجاهینده بوکفایتدی
امام عصریدی زهرا بالا سیدور آقامز
.
بونون وجودینا قائمدی عالم امکان
خلایقین بو امید و رجاسیدور آقامز
.
اگرجهانیله اهل جهانی درد آلسا
یقین دور هامی دردین دواسیدور آقامز
.
مریض هجری ایاقدان اگرسالا مرضی
بیر ائیله درده ، وصالی ، شفاسیدورآقامز
.
بونیله دَم ویرابولمز بیریسی قدرتدن
هامی بولور که قوالر قواسیدور آقامز
.
بونی قویوب دئمه اغیاره دردیوی غمخوار
نچونکه درد خفا آشنا سیدور آقامز
.
.
#مهدیه
#تمام_کون_و_مکانین_صفاسیدور_آقامز
#غمخوار
#ترکی
.
#زبدةالاشعار
: @nohe_torki