توکمه گوز یاشیوی یا ابوالفضل #عباسیه_رجعتی

عصر تاسوعا
زبانحال حضرت زینب (س)
..
..
..
..
..
رجعتی
..
..
..
..
..
توکمه گوز یاشیوی یا ابوالفضل
آتما قارداشیوی یا ابوالفضل
اشکیوه من فدا غم دیزوندن
قوزا بیر باشیوی یا ابوالفضل
..
..
..
..
..
تک قویوب گیتمه بو شاه دینی
کربلاده داخى یوخ معینی
بو کمک سیز شهین باری سن سن
بیر اوزون قوللی سرداری سن سن
توکمه گوز یاشیوی …
..
..
..
..
..
ای امید بنات پیمبر
گیتمه آغلار قالار آل حیدر
ای آتام حیدرین نور عینی
قویما یالقوز بو چولده حسینی
توکمه گوز یاشیوی …
..
..
..
..
..
شمر امان نامه سی پوزدی حالون
گیتماقا ایمدی اولسا خیالون
تک قالار قارداشیم گیتمه قارداش
زینبی ایلمه دیده قانیاش
توکمه گوز یاشیوی …
..
..
..
..
..
هی قشوندی گلور کربلایه
شور و غوغا سالور نینوایه
قورخودان آغلاشور آل حیدر
سنده گیتسن اولار شور محشر
توکمه گوز یاشیوی …
..
..
..
..
..
ای بو یالقوز شهین سر سپاهی
آل طاهانین امیدگاهی
ال حسینه تاپار اهل کینه
قیزلار آغلار گلر شور و شینه
توکمه گوز یاشیوی …
..
..
..
..
..
سن وزیر شه عالمین سن
سن شجاعتلی یار حسین سن
گیتسن آسوده قیزلار یاتانماز
تشنه لبلر سویا ال تاپانماز
توکمه گوز یاشیوی …
..
..
..
..
..
نیلرم سنده گیتسن کناره
تیر غم قلبیمی ایتدی یاره
وای منه نیلیوم بس برادر
ایلمه زینبی زار و مضطر
توکمه گوز یاشیوی …
..
..
..
..
..
بس جوابون ندى مرتضایه
حشریده دختر مصطفایه
مشعل دین و ایمان حسیندی
هیکل جان و جانان حسیندی
توکمه گوز یاشیوی …
..
..
..
..
..
«رجعتی» اولماغمدن پریشان
تشنه سقا ایدر درده درمان
مطلعون خوش دوشوب ایله تکرار
مشگلون حل ایدر بو علمدار
توکمه گوز یاشیوی …
..
..
..
..
..