جدادن نظر ایله آنان لیلیه اکبر #اکبریه_غفاری_زنجانی

زبانحال حضرت لیلا(س)
با سر مبارک حضرت علی اکبر (ع)
..
..
..
..
#سبک_علی_جان_بالا_لبیک
..
..
..
..
غفاری زنجانی
..
..
..
..
جدادن نظر ایله آنان لیلیه اکبر
اورک دردینی لیلا او باشه دیه اکبر
..
..
..
..
دوتولموش آیا بنذر جداده باشون اوغلوم
باخوب نیزیه آغلار باجون قارداشون اوغلوم
باتوب تپراقا قانه کشیده قاشون اوغلوم
نه گلدی ئوز الیمله چکن سرمیه اکبر
..
..
..
..
ویره دشمن او باشی ئوپم قانلو گوزوندن
یووام گوز یاشمیلا قزل قانی یوزوندن
اورک دردینه چاره آلام اوغلوم گوزوندن
صد افسوس یتیشمز الیم نیزیه اکبر
..
..
..
..
سر نیزده باشون پناهیمدی عزیزیم
سنه عاشقم اشگیم گواهیمدی عزیزیم
و یا نیزیه حسرت نگاهیمدی عزیزیم
گرک عشقینی عاشق ثبوب ایلیه اکبر
..
..
..
..
باشون آردوجا گلّم اگر گیتسه هایانه
یری وار بو گوزومدن آخان یاش دونه قانه
گیجه گوندوزی نی تک گلم آه و فغانه
ئورکدن یانام هیچ کیم ولی بلمیه اکبر
..
..
..
..
آنالار قوجالاندا الیندن دوتار اوغلی
آنا باشینه سایه همیشه سالار اوغلی
نه سن تک بیله گریان آناسین قویار اوغلی
آنان ایندی دالنجا گلوب نالیه اکبر
..
..
..
..
اوغولّار کیمی باشدان اوغول سایوی کسمه
على بیر دوت الیمدن عمل ایله بو رسمه
عزیزیم سن ئولندن دوشوب جانیمه اسمه
اوغول داغی آنانی سالار لرزیه اکبر
..
..
..
..
گوزون نیزده بیر آچ سن ای ماه مدینه
ئوزون ئولدورور آخر باجون نازلی سکینه
اونیلا ایله صحبت فراهمدی زمینه
یتونجه داخی شامه اودا تولمیه اکبر
..
..
..
#اکبریه #غفاری_زنجانی #اکبریه_شهادت #کوچ_کربلا_کوفه #راه_شام #ترکی #زبدةالاشعار