حسینیم اوخلو قربانی الون اوسته دولاندیرما #اصغریه_غمکش

سوال و جواب حضرت زینب (س) با امام حسین (ع)
..
..
مرحوم غمکش
..
..
حسینیم اوخلو قربانی الون اوسته دولاندیرما
الوندن قانینی آتما سماواتی بویاندیرما
..
..
..
..
قالوب اوچ گون سوسوز سولدی سارالدی چون گل ریحان
خیال ایتدون آلارسان سو اولار بو نوگلون خندان
الون اوسته آلوب گیتدون گتیردون گل کیمی الوان
دولانما خیمه اطرافین بیله دلخسته و نالان
باخوب احوالینه يانما منِ نالانى ياندیرما
..
..
..
..
باجی سو وعده سی ویردیم الیم اوسته آلوب گیتدیم
آناسی خیمه ده اشکین توکوب نالان قالوب گیتدیم
یارالی قلبیمه آهی شراری اود سالوب گیتدیم
توانیم غنچه سین اهل ستم داشه چالوب گیتدیم
ال اوسته خیمیه گلسم اوتانّام چوخ اوتاندیرما
..
..
..
..
گلوب آل قانلو قونداقى الون اوسته بیر آز ساخلا
منی بو آغلاماق یوردی بالامی اوخشاسن آغلا
بیچوب اوچ شعبه اوخ نازک بوغازین یاره سین باغلا
سینم داغلاندی میداندا گوروب حالین سینون داغلا
آپارقوی خیمه ده اما آناسین چوخ تیز آندیرما
..
..
..
..
سینم اوسته آلوم قارداش گتور ویر اوخلو قربانی
ياراسين باغليوم شايد بوغازدان آخماسون قانی
گلوسیندن چکوم قالسا ایلیشسه تیر و پیکانی
قویوم گهواره ده یاتسون بالون بیر لحظه و آنی
دیوم لای لای بالام لای لای حسینیم تیز اویاندور ما
..
..
..
..
باجی گهواریه سالسون دیسون لای لای سوزوم یوخدور
قولاق ویرم یانان قلبیم یانار دلده دوزوم یوخدور
گوزوم اشگی تمام اولمور نیدیم اشگٔ گوزوم چوخدور
آناسین گورمگه نیلوم خجالتدن يوزوم يوخدور
خبر ویر آل زهرایه ها می گلسون یوباندیرما
..
..
..
..
حسینیم آل زهرانی چاغیرام هر گلن باخسون
گوزاشگی تشنه لب قیزلار گوزیندن سوکیمی آخسون
آنا عمه باجی زلفین آچوب قاندان حنا ياخسون
بالام وای قارداشیم وای تیرینی محزون دله تاخسون
آناسی باش آچار سندن حيا ايلر عيان دورما
..
..
..
..
بالام یورقوندی دینجلسون نشان ویرمه یوزین آچما
اشاره ئیلن بیان ایله دایان اوستین سوزون آچما
سوسوزدان ال ایاق وردی گوزون یومدی گوزین آچما
اگر آچسا رباب آچسون الون ساخلا اوزون آچما
محبت شاخه و برگین حصار دلده سیندیرما
..
..
..
..
سالوب «غمکش» سنی چرخ جفا دنیاده مین دامه
بصیرت گوزلرون بیر آچ تماشا ایله ايامه
عذاره اشگوی باغلا اله آل دفتر و خامه
ئور کدن اصغره آغلا حسیندن آل امان نامه
ریاکاران کیمی خلقی على الظاهر ايناندیرما
..
..
..
#اصغریه #غمکش #اصغریه_شهادت #ترکی #زبدةالاشعار