کوفه
.
✍️ زبدة الاشعار ✍️
.
🆔: @nohe_torki
.
حاج حسین حسنی افشرد
.
حسین عجب منه برپا قیامت ایلموسن
جدا باشندا یارالی اقامت ایلموسن
.
.
منیم ایشقلی آیم بس هایاندا باتموشدون
گیچن گجه باجوی سن گوزوندن آتموشدون
منی گوزوندن آتوب کوللر اوسته یاتموشدون
عجب گیچن گیجه نی استراحت ایلموسن
.
.
یوزنده کولدن علامت قالور گیچن گیجه دن
سنی خیاله باجون چوخ سالور گیچن گیجه دن
بو شهرده آنام عطری قالور گیچن گیجه دن
یقین آنامی گیجه سن زیارت ایلموسن
.
.
سزادی ویرسم اجازه بو قانلی گوز یاشینا
منیم کیمی باجی حسرت قالوبدی قارداشینا
او نیزه دن باشوی اَی قویوم اورک باشینا
گر اولسا ممکن حسین چوخ کرامت ایلموسن
.
.
اگر چه خولیه سن اولموسان حسین مهمان
منیمده منزلیم اولدی گیچن گئجه زندان
ولی سنون غمون آرتوخدی من سنه قربان
کولیله صبحه کیمی انس و الفت ایلموسن
.
.
جمالوی بوریوب کل هلاله بنذرسن
مگر بولار تانمور زادۀ پیمبرسن
اوزون شاه أوغلوسان عالملرایچره سرورسن
گیدوب کول اوسته ولاکن اقامت ایلموسن
.
.
وروب جدا باشینا باشوی بوقوم شرور
ایدوبدی لمحۀ نورون جدانی نخلۀ طور
دوتوبدی حضرت موسی کیمی وجودیمی شور
بو طورعشقه منی سن هدایت ایلموسن
.
.
عبث دگول شرر درد و غمله اودلانورام
وار عمده علتی قلبیمدن اود دوتوب یانورام
شماتت ایلین عورتلرین چوخون تانورام
بو حال زاریمه هیچ سن نظارت ایلموسن
.
.
بلای حاله یانوم یا جلال ماسبقه
اوجالسون آتش آهیم شراری نه طبقه
ویرور بیر عده سی آل پیمبره صدقه
دیَن تاپلموری آرتوخ جسارت ایلموسن
.
.
بو بس دگول آلوب اطرافی صف به صف اعدا
الینده قمچی ایدور آل عصمته ایذا
ویرور بیری بالا قزلاره نانیله خرما
بیری دیور که عجب قصد غربت ایلموسن
.
.
کسوک باشون که تلاوت ایدر کلام الله
قالور بومعجزه حیرتده هر دل آگاه
عجبدی اولموری نادم بو فرقۀ گمراه
گوره گوره بیله کشف کرامت ایلموسن
.
.
باشون شبیهیدی شمعه گزر یانا یانه
دوشوب دالونجا قناد سیز بیر عده پروانه
گللَّه رشتۀ عشقون آپارسا هر یانه
دوشوب قباقه غریبه دلالت ایلموسن
.
.
آتوبدی دامنوه صدقیله الین «حسنی»
غلاملر کیمی، مولا بولر اوزینه سنی
توجه ائت منه فاخر شفیع گتوردی منی
ویروب دوا هامی درده طبابت ایلموسن
.
.
#کوفه_حسنی_تبریزی
#حسین_عجب_منه_برپا_قیامت_ایلموسن
#ترکی
.
✍️ #زبدةالاشعار ✍️
.
🆔: @nohe_torki
نظر دهید