امتحان عظیم – #عید_قربان
گریز به شهادت حضرت علی اکبر (ع)
..
..
..
مرحوم معزی اردبیلی
..
..
..
حضرت ابراهیمه روح القدس فرمان گتوردی
ذوق و شوقه عاشقی فرمانیده جانان گتوردی
..
وحی گلدی امتحان من ایستورم سندن خلیلیم
امتحانون کلمه سین دستوریده عنوان گتوردی
..
امر ایدوب کس باشینی اسماعیلون الله یولوندا
وحی جانانی خلیل اللهه تازه جان گتوردی
..
گلدی جریانی دیدی اسماعیل زیبا سرشته
گوردوگی رویایه شیخ الانبیا برهان گتوردی
..
عرض قیلدی صابرم ال چکمه مأموریتوندن
نوجوان اوغلی زبانه ذکر الرحمن گتوردی
..
ویردی زینت هاجر امّ القرا زیبا جوانه
أمّهات کلّ عالم هاجره ایمان گتوردی
..
غسل ایدوب تازه لباسیلن ملبّس اولدی قربان
کوی یاره گردنینده خلعت الوان گتوردی
..
نام پاک کردگاری دلده قربانگاه عشقه
ویرمگه اللهه ابراهیم گوزل قربان گتوردی
..
یخدى دلبندین یره قویدی جبینین تپراق اوسته
حلقنه خنجر ایلیکی سرور خوبان گتوردی
..
سس گلوب ابراهیمه کچدون حبیبیم امتحاندان
آیری قربان کسمگه پیک حق منان گتوردی
..
بیلمورم حکمت نئیدی روز عاشورا حسینده
قانلی صحراده منایه فدیه عطشان گتوردی
گلمدی قربان علی اکبر کنارینده کسیلسون
خنجره ال قتلگهده فرقه عدوان گتوردی
..
حیدر کرّار تک باشدان اولده یاره لندی
دیدۀ زیبا سینه کاری یاراسی قان گتوردی
..
باشینی آلدی دیزی اوسته باباسی توکدی گوزیاش
نالیه ارض و سمانی شاه مظلومان گتوردی
..
سسلدی آچ گوزلرون اوغلوم گوزوم دوشدی ضیادن
دشت غم افزا خلیلی یارووه درمان گتوردی
..
..
..
#عید_قربان #معزی_اردبیلی #اکبریه_معزی_اردبیلی #اکبریه #اکبریه_شهادت #ترکی #زبدةالاشعار
نظر دهید