حقه خاطر تلسوردوز که بو پروازیله گیتدوز #شهیدخدمت_محمدحیدری

تقدیم به شهدای سقوط بالگرد،رئیس جمهور عزیزمان و هيئت همراه
(شهدای بااخلاص راه خدمت)
..
..
..
محمدحیدری امندی
..
..
..
حقه خاطر تلسوردوز که بو پروازیله گِئتدوز
ئورگی درده گتوردوز ،سوزولن سازیله گِئتدوز
چنلی بیر داغدا بولوتلار سایاقی یازیله گِئتدوز
نه یامان نازیله گِئتدوز….
..
..
..
حق یولوندا قانا باتدوز، ایکی دونیا یوز آق اُولدوز
جان وئرن دمده ولی اهل و عیالدان اوزاق اولدوز
بیلیرم عالم معناده حسینه قوناق اُولدوز
اونوچون رمزیله، اسراریله، اعجازیله گِئتدوز
نه یامان نازیله گِئتدوز…..
..
..
..
ساغرِ وصلی چکوب باشوزه دلداره قوشولدوز
راه خدمتده چالیشدوز،یارالی ،یاره قوشولدوز
حاج قاسم گوزی یولدیدی او سرداره قوشولدوز
نغمه ی وصل اوخویوب شوقیله،آوازیله گِتدوز
نه یامان نازیله گِئتدوز….
..
..
..
#محمدحیدری #رئیسی #رحمتی #امیرعبدالهیان #آل_هاشم #شهید #شهید_خدمت #شهید_جمهور #ترکی