خبرین وار کی منی درده دچار ایله میسن #مهدیه_هدایت_تبریزی

یا مهدی
.
زبدة الاشعار
.
: @nohe_torki
.
هدایتی تبریزی
.
خبرین وار کی منی درده دچار ایله میسن
طاق ائدیب طاقتی بی صبر و قرار ایله میسن
.
فلک ئیله ال اله وئرمیسن ، اولسون یوزون آق
بو یامان وقته منی غم له حصار ایله میسن
.
گون گوزوم ده قارالیب تنگه گلیب سینه داخی
بو گئنیش دنیانی من خستیه دار ایله میسن
.
زلفوون سلسله سی سلسلیه چکدی منی
بیر باخشلا منی چنگنده شکار ایله میسن
.
بسدی ، جانیم دوداقا یتدی بیر آز نازون آزالد
بو هزاره ، نیه گل نازون هزار ایله میسن
.
یاری حسرت ائله مز جلوهٔ رخسارینه یار
منی حسرت او گوزل صورته یار ، ایله میسن
.
نه اولاردی منه گل صورتوی گوستره سن
بیر مقابل ده گورم کشف عذار ایله میسن
.
دوشموشم دلدن عزیزیم دانشام یوخدو دلیم
خارم ای گل سنه همدم ، نیه خوار ایله میسن
.
نور رخساروی گوردوم دئدیم ایندی چخیب آی
زلفووی گوردوم اوزوندن کی کنار ایله میسن
.
بو (هدایت) سنه وابسته دی ای نازلی نگار
گر چه مین درده گرفتار و فکار ایله میسن
.
.
#مهدیه
#خبرین_وار_کی_منی_درده_دچار_ایله_میسن
#هدایت_تبریزی
#ترکی
.
#زبدةالاشعار
.
: @nohe_torki