خزان کوچوبدی یازه #اصغریه_مصیبی_تبریزی

زبانحال حضرت رباب سلام الله علیها
اوخشاما
.
.
.
محمدعلی مصیبی تبریزی
.
.
.
خزان کوچوبدی یازه
کمان دوشوب طرازه
هدفدن اَننی بیر اوخ
دگوب سوسوز بوغازه
.
.
.
یادیمدا دور فغانون
او تشنه لب دهانون
اوغول ئوزون گئدوبسن
سینمده وار نشانون
.
.
.
یانار گوز آغلیَنده
ئوره گی داغلینده
رباب ئولیدی ای کاش
الیوی باغلیَنده
.
.
.
گوزوم قانین سیلِیدون
ئورک سوزون بولیدون
نولار کی بیرده اوغلوم
گولوب دیله گلیدون
.
.
.
یارامی غم بیتورمز
بو دردی دل ایتورمز
سو آدینی رقیّم
داهی دیله گتورمز
.
.
.
بو سنّیده غمین چوخ
بو غمده همدمین یوخ
ربابیدن کوسوبسن
چالاندا لای لایین اوخ
.
.
.
بو بیکسه اولان کس
سسیمه دور یتور سس
آخور قانین لبیمدن
بوغازون ئوپدوم ازبس
.
.
.
دئدیم اوغول آز آغلا
بو قلبی آز قاز آغلا
بودور ملالیم ایندی
ربابه چک ناز ، آغلا
.
.
.
غمیم منیم چوخ اولدی
ئورک یانوب سیخیلدی
حرمده دوشدی تا سَس
دئدیم ائویم ییخلدی
.
.
.
گولوب بالام ئولنده
ئولوم دادین بولنده
سالوب ربابی درده
بالام اوخا گولنده
.
.
.
.
#اصغریه_شهادت
#اوخشاما
#خزان_کوچوبدی_یازه
#حضرت_رباب
#ترکی #اصغریه
#زبدةالاشعار