استمداد حضرت قاسم (ع)
..
..
..
..
#سبک_بحر_طویل
..
..
..
..
ابوالفضل رحیمی
..
..
..
..
خنجر الینده دایانوب قاتلیم
سرور دوران عمو درک ایت منی
دسته لیوب قانه باتان کاکلیم
ای شه عطشان عمو درک ایت منی
ای آتادان مهربان
قدی ستمدن کمان
قویما کسه باشیمی
قاتله ویرمه امان
..
..
..
..
یوخدی دفاع ایلمگه قدرتیم
قوتیم
قان آپاروب طاقتیم
شکر ایدرم آرتدی منیم عزتیم
نعمتیم
عالی یره دعوتیم
بیرده سنه اولمیاجاق نصرتیم
خدمتیم
دلده اودور حسرتیم
گوزلوری اکبر منی باهم گیدک
جدّیمه مهمان عمو درک ایت منی
ای آتادان مهربان
قدی ستمدن کمان
قویما کسه باشیمی
قاتله ویرمه امان
..
..
..
..
بیکس آنام اولسا اگر باخبر
خونجگر
قاسمی ئولدوردولر
آتش فرقت اولاجاق شعله ور
حمله ور
قلبینه ایلر اثر
امر ایله عمم اونا شام و سحر
مختصر
لطفیلن ایتسون نظر
قانه باتان پیکریم اولسون سوسوز
جانوه قربان عمو درک ایت منی
ای آتادان مهربان
قدی ستمدن کمان
قویما کسه باشیمی
قاتله ویرمه امان
..
..
..
..
مرگ علی اکبره قلبون یانوب
اودلانوب
گل بدنی دوغرانوب
دینینی دنیایه بو لشگر ساتوب
اوخ آتوب
قاسمی آتدان سالوب
کوفه و شام اهلی بوگون کام آلوب
حق دانوب
ئولمگیمه آز قالوب
گل یوزوی گورمگه چوخ مایلم
جان ویرم آسان عمو درک این منی
ای آتادان مهربان
قدی ستمدن کمان
قویما کسه باشیمی
قاتله ویرمه امان
..
..
..
..
ای الی قوینوندا قالان رهبریم
سروریم
قانلا دولوب گوزلریم
قویما گله عمّۀ غم پروریم
مادریم
یاندوری نسگللریم
چونکه عمو یاره لنوب پیکریم
اللریم زاید اولوب غملریم
ای قوشونی ظلمیله مغلوب اولان
دیده سی گریان عمو درک ایت منی
ای آتادان مهربان
قدی ستمدن کمان
قویما کسه باشیمی
قاتله ویرمه امان
..
..
..
..
یازدی «رحیمی» بو غمی مسطره
دفتره
آغلا سوسوز سروره
سرور دین تا یتشوب لشگره
صفلره
فرقۀ بد اختره
وردی قلنج اول فرق کافره
ابتره
دوشدی یولی بیر یره
گوردی حزین صوتیله قاسم دیور
گل ویرورم جان عمو درک ایت منی
ای آتادان مهربان
قدی ستمدن کمان
قویما کسه باشیمی
قاتله ویرمه امان
..
..
..
..
#قاسمیه #ابوالفضل_رحیمی #قاسمیه_شهادت #ترکی #زبدةالاشعار
نظر دهید