خوان بلایه ووردولار عشاقه بانگ الصلا #حسنیه_حقیر_خویی

شهادت امام حسن مجتبی(ع)
..
..
..
..
#سبک_ای_شاه_مظلومان_حسین (5 سبک متفاوت سینه و زنجیر و … )
..
..
..
..
مرحوم میرزا عبدالوهاب حقیر خویی
..
..
..
..
خوان بلایه ووردولار
عشّاقه بانگ الصلا
اوّل بلایه انبیا
اقبال ائدوب قالو بلا
..
..
گلدی آرایه امتحان
میزانی تکلیف گران
یعنی گرک باشدان گچه
عشق و بلادن دم وران
..
..
..
..
بازار جاندور هرکیمین وار عشقی ترک جانینه
کوی محبتده قدم قویسون بلا میدانینه
مشکلدی جاندان گئچمین عاشق یته جانانینه
هول بلادن بیربه بیر یکسر دایاندی انبیا
..
..
..
..
چون ابتدای امرده آسان گوروندی مسئله
اولدی بلایه مشتری هرکس به قدر حوصله
مقصود کلّی گلمدی چون انبیادن حاصله
کلّیتاً هر جزئینه دارا اولوب خیرالوریٰ
..
..
..
..
اهل و عیال و جانینی چکدی بلا بازارینه
الده شهادتنامه ی محکم سند اقرارینه
بو نشأت فانیّه ده مظهر ظهور آثارینه
بیر درد دندان نبی بیر زخم فرق لافتیٰ
..
..
..
..
دور شهادتده یتوب تا مجتبانین نوبتی
اسما الیله سودهٔ الماس اولوبدی قسمتی
بو امره عزمین جزم ائدوب مسموم ائده اول حضرتی
بیربیر دالینجا ویردی تا اوچ مرتبه زهر جفا
..
..
..
..
محرم سواد نقطه دن مجرم گوروندی آشکار
نقطه قریلدی قلب اولوب تا قلبی گئتدی اختیار
قلبینده عقده ساخلیوب مدت چکردی انتظار
گورسون الیندن نه زمان جاری اولار بیرده خطا
..
..
..
..
تا بیر گجه فرصت تاپوب دوردی ایاقه نصف شب
قویدی قدم خلوتگه خاصّ امامه بی ادب
گوردی یاتوبدور پایهٔ تختینده بانوی عرب
تخت اوسته خواب راحته مشغول اولوبدور مجتبا
..
..
..
..
شمع جمالی منزلی روشن ائدوب چون آفتاب
اما باشی اوسته قویوب خضر زمان بیر کوزه آب
بیر نوع زهری کوزیه داخل ائدوب اول بی حجاب
نه جدّ پاکیندن حجاب ائتدی نه زهرادن حیا
..
..
..
..
ناگاه خواب نازدن بیدار اولوب شاه زمن
دورجاق ال آتدی کوزه نی گوتدی ولیّ ذوالمنن
لاجرعه چکدی باشینه پیمانه ی زهری حسن
اوّل مبارک لبلرین یاندیردی سمّ جانگزا
..
..
..
..
تأثیر ائدنده قلبینه دل یاندی دوغراندی جگر
قلب امامه چون یتوب صدمه عوالم سر به سر
اوضاعی اولدی منقلب ارض و سما و بحر و برّ
دریای غمده غرق اولوب باتدی عزایه ماسوا
..
..
..
..
گر سو نصیب مجتبی اولدی لبالب بیر سبو
اما حسینه اولمادی قسمت ندن بیر شربه سو
سو اولمادی ممکن ائدوب خنجر دمیندن تر گلو
کوی وفاده تشنه جان وئردی غریب کربلا
..
..
..
..
حین وفاتینده حسن راحت مکان اؤز منزلی
حاضر یانیندا باجیلار قارداشلار اقوامی ایلی
نه خنجر الده باشینین اوستون کسوبدور قاتلی
نه داغ اکبر سینه ده نه سینه ده دورت مین یارا
..
..
..
..
اما وئرنده جان حسین ایستی قوم اوستی بستری
یالقوز سوسوز نه قارداشی نه اوغلی بیرده یاوری
میداندا قارداش جان وئرور قویمولّا گلسون خواهری
هردم باخولّار خیمه دن حسرتله آل مصطفیٰ
..
..
..
..
زینب مقامینده«حقیر»عالم دوشوبدی حیرته
واردور یری گر نسبتین وئرسن مقام عصمته
ورنه بشر ممکن دگل صبر ایلسین بو محنته
حیرت مقامینده دوروب صبرینده کلّاً انبیا
..
..
..
..
#حسنیه_شهادت
#خوان_بلایه_ووردولار_عشاقه_بانگ_الصلا
#حقیر_خویی
#ترکی
#زبدةالاشعار