خواهی ار لذت گفتار بگو یازهرا #فاطمیه_شاهی_اردبیلی

در مدایح حضرت زهرا
و التفات به #قتلگاه
#فارسی_ترکی
.
.
شاهی اردبیلی
.
.
#فارسی
.
خواهی ار لذّت گفتار بگو یازهرا
جستی ار عزّت اذکار بگو یازهرا
.
ای که هستی دو جهان فضل و سرافرازی را
با یکی کلمه خریدار بگو یازهرا
.
سود صد طاعت مقبول اگر می طلبی
صاف کن نیت و یک بار بگو یازهرا
.
شوکت و جاه جهان نیست به جز خواب و خیال
خواهی ار دولت بیدار، بگو یازهرا
.

مشکلت گر بسیار است و نیازت بیش است
بیش کن گریه و بسیار بگو یازهرا
.
خواهی ار قبلۀ فردوس شود جان و دلت
با دل و جان شرربار بگو یا زهرا
.
خون خود را نشد ایثار کنی در رهِ او
اشک خود را بکن ایثار بگو یازهرا
.
گر ببینی که به معصومی و مظلومی گل
خار هم می کند اقرار بگو یازهرا
.
هر زمان مثل دو رزمنده در آیند به جنگ
شاخۀ سوسن و مسمار بگو یازهرا
.
گر ببینی که عدو آینه را کرده شهید
در میان در و دیوار بگو یازهرا
.
از سر جهل و عداوت اگر ابنای زمین
آسمان را کند انکار بگو یازهرا
.
گر چنان بی کس و مظلوم شود مه که به چاه
درد خود را کند اظهار بگو یازهرا
.
.
نام زهراست که سلطان شرف بنده اوست
نام زهراست که قرآن خدا زنده اوست
.
.
#ترکی
.
من قنوتیمده دئسم فاطمه اشکال ائلمه
فاطمه روحدی طاعتلره، جنجال ائلمه
.
یتمیش ایل فاطمه نون منکری گر قیلسا نماز
او نماز اهلینه اخطار ائله إِجلال ائلمه
.
صاحب نطق و بیاندور او محاسن کی وارون
توکلرون فاطمه سویلور دیلوی لال ائلمه
.
اولماسا روحوه گر کعبه حسینون آناسی
زحمت حجّی چکوب نفسوی حمال ائلمه
.
ایکی عالم دولا گر نعمتیلن فاطمه سیز
هر ایکی عالمه اکراه ائله اقبال ائلمه
.
سویلمه تبرئۀ دشمن زهرایه دلیل
ئوزوی علمیله اهریمنه دلال ائلمه
.
من خانم فاطمه نون اشک فشان نوکریم
شاهلارا قوشما منی قدریمی پامال ائلمه
.
دئسه لر روح ندور، عصمت زهرادی دئنن
اولما كم بین، گُله بو عصمتی تمثال ائلمه
.
دئدی زهرا، ئولونی ایلدی احیا، ورنه
اولماز عیساده بو قدرت منی إغفال ائلمه
.
سایۀ غیر یوز ایل، سایه زهرا بیردم
بیردم ای اهل نظر عمر ائله، صد سال ائلمه
.
.
ایستسون حضرت سبحان دیه احسن سوزووه
نام زهرادی او سوز، یاز اونی اوپ قوی گوزوه
.
.
حکمت بالغه و عصمت علیا زهرا
عصمت و فضل و شرف لفظدی معنا زهرا
.
ایستسون قرآنی بیر کلمه ده ختم ایلیه سن
یا محمد دئنن ای اهل سخن، یازهرا
.
سویلدی بلبله گل کیمدی مطهر هامودان
بلبل عرض ایلدی سن، گل دیدی زهرا زهرا
.
هر آغاجدان نقدر فاصله وار آدمه جن
هر بشردن او قَدر فاصله وار تا زهرا
.
فاطمه صورتینه سیلی ؤوران جانوره
چاره یوخ، ائتسه شفاعت ئوزی حتی زهرا
.
قاپوسی شعله چكن وقتیده دنیانی بوتون
اود دوتاردی، اگر ائتمیدی مدارا زهرا
.
تشنه دور لطفوه بی تاب اورگی شیعه لرین
نولا عطشانلارا امداد ائده سن یازهرا
.
نیه زهرا دئیلنده دئمییم من صلوات
سجده ایلور آدووا، روح مسیحا زهرا
.
گر دئسون اللی مین ایل فاطمه ده سینوی یار
اللی مین ایل ائده رم امروی اجرا زهرا
.
نجه فخر ایلمسون شیعه سنون عصمتوه
آتاوون فخری سن ای اُم أبیها زهرا
.
فقط اللهدی که اجلالیده سندن اوجادی
یوخسا کیمدی سنه همپایه وهمتا زهرا
.
.
کیم سنه آغلاسا لاهوتی گورر هر یاندان
کیم دئسه فاطمه لبیک ائشیدر سبحاندان
.
.
والی مملکت روح و روان فاطمه دی
زینت منظرۀ صبح جنان فاطمه دی
.
جاندا اولمازدی جلا فاطمه اولمیدی اگر
قدر جان قیمت جان گوهر جان فاطمه دی
.
کیمدی «شاهی»، دیه تا فاطمه مدحینده سخن
وصفینه چاتماز او که اوج بیان فاطمه دی
.
او که همچون اسدالله بو دنیاده اونون
اولمیوب اولمیاجاق قدری عیان فاطمه دی
.
او که بی ریب و ریا قلبلرین قبله سیدی
آند اولا كعبۀ حقّه او همان فاطمه دی
.
او که روحُ القُدُسین فهمینه سیغماز شرفی
او نبی نایبی بیشک و گمان فاطمه دی
.
بیلمورم مست خداوند جهان کیمدی ولی
بیلورم دست خداوند جهان فاطمه دی
.
تپراق اولسون او باخان گوزلره که باخدی ولی
گورمدی معجزۂ غیب نشان فاطمه دی
.
طول عمرینده او موجود مقدّس که اونا
درد و غم وئرمدی بیر لحظه امان فاطمه دی
.
#گریز
.
معجرى الده توکوب گوزیاشی سویلردی خانم
باشوون اوسته حسینیم باش آچان فاطمه دی
.
قاتله خنده ویرورسان منه باخمورسان اوغول
هیچ دئمورسن بو آنام اشک فشان فاطمه دی
.
.
منه باخمورسان اگر یوخدی گلایم ولدی
ئوزین ئولدوردی باجون باخ اونا بیر دم ولدی
.
.
گور روادور اوپه گل سینوی پیكان یارالی
زینبون لكن اوزاقدان باخا نالان یارالی
.
پیکرون یوز یره دوغرانسادا اوغلوم دیریسن
حاش لله ئوله شمشیریله سبحان یارالی
.
حلقوه حربه قویان رذل دوشونمور که او حلق
اِسمده حلقدى تفسیرده قرآن یارالی
.
بش اولوالافئده دورد عنصر اوچ ارواح ایکی کون
بیر چوخور یرده گلوبدور سنه مهمان یارالی
.
نیه فخر ایلمیوم جسموه باشدان باشا من
سن او شه سن که ایاقوندان اوپر جان یارالی
.
گلمیشم نالیه با این همه نیلوم باخیام
نجه قان ایچره گوروم اوغلومی عطشان یارالی
.
نه سنه عاصی اولوب، بل بیر اولان اللهه
اندوب عصیان بو ایکی یوزلی مسلمان یارالی
.
او اورک که کورگوندن چیخادوب زهریلی اوخ
کاش یوز یول أُولا جانیم اونا قربان یارالی
.
گور روادور آناوون گوزلرینون اوستی قالا
قوملار اوسته ساتاسان ناز فراوان یارالی
.
قوی یولوم ساچلاریمی پرده چکوم قامتوه
گورمه سون نازلی قیزون سینووی شان شان یارالی
.
.
اوخشیور یاره لرون دوزدی که مهپاره لره
اوشاق اما نجه مهپاره دئسون یاره لره
.
.
ای بو وحشت بوروین بادیه نون آفاقی
ای بو قان پرده چکن معرکه نون تپراقی
.
ای او قوشلار که پروزدن بالامون قانی دامور
ای او یل لر که اوپورسوز بو تن اوراقی
.
ای اکابر که اوجا عرشدن اندوز بو یره
هشت فردوسی آتیب ترک ائلدوز نُه طاقی
.
ای بو گودال کنارینده دیز اوسته اوتوران
مقتدالر که اولوبسوز بالامون مشتاقی
.
ای ایاق اوسته دوران بهتیله میراب بهشت
ای سوسوز اوغلوما شربت گتورن ای ساقی
.
ای رسولان سیه پیرهن و ریش سفید
ای حسینون باش آچوب سینه ووران عشاقی
.
ای چوخور یرده یاتان شاهه باخان عاشقلر
که بو مخلوقه باخاندا گوروسوز خلاقی
.
ای حسینون سوکولن سینه سینون یاره لری
که محصلدی حضوروزده گُلون یاپراقی
.
بیر به بیر شاهد اولون که بو اوغولسوز بالامون
هم سلامتدی بیلنگی همیده بارماقی
.
حجّتیم یتدی تمامه، سیزه موکول ائلدیم
روز محشرده همین باره ده استنطاقی
.
«شاهیا» سنده بو ماتمده اگر گوزلروی
یوماسون اشكیله حاشا تاپاسان اشراقی
.
غم مولاده دئمه تک ئوزووَه صاحب نطق
ائشیدن اولسا بوتون داغلار ائدور نطّاقی
.
.
آند اولا گویلره، سوگند به اجرام و کرات
آشکارا دیل آچوب ناله ائدر نهر فرات

.
.
#فاطمیه_مدح
#خواهی_ار_لذت_گفتار_بگو_یازهرا
#من_قنوتیمده_دئسم_فاطمه_اشکال_ائلمه
#شاهی_اردبیلی #فاطمیه
#زبدةالاشعار