خوشا او گون که گوراخ چرخ دینه ماه گَلور #مهدیه_خوندل_تبریزی

یا مهدی
#گریز به وداع حضرت علی اکبر (ع)
.
.
.
مرحوم حاج حیدر خوندل
.
خوشا او گون که گوراخ چرخ دینه ماه گَلور
لوای فتح و ظفر اَلده پادشاه گَلور
.
آچوبدی پر باشی اوستونده طائر نصرت
دالنجا فوج مَلَک شاهیله سپاه گَلور
.
صفا ویرور دَمِ جان بخشی گلشن دینه
دوباره عالم اسلامه عزّ و جاه گَلور
.
اولور او حضرته هر قهر صاحبی مقهور
ایدر قدومینه اشراری خاک راه گَلور
.
قورار جهاندا مساوات و عدل دیوانین
پناه سیزلره بی کس لره پناه گَلور
.
نه حسرتیله ولا اهلینون سرشکی آخار
نه بیرده سینه ی مظلومیدن بیر آه گَلور
.
اگرچه پردۀ غیبتده مستتردی او گون
ولیک تابشی ذرّاته گاه گاه گَلور
.
خوشا او گون که یتَر اهل عالمه بو صدا
بُولون هدایته مهدیّ دین پناه گَلور
.
امام منتقم و منتَظَر ظهور ایلور
جهاندا عدل و مساواته دادخواه گَلور
.
او قدر قان توکر اشراریدن او سرور دین
که بعض قلب لره سهو و اشتباه گَلور
.
وورار جداسینه نعلین اکبری او زمان
او معترض لره بو فعلی اِنتِباه گَلور
.
که یعنی مین بو قدر قان توکم بو گونده اگر
مقابل اولسا او قانیله پرّ کاه گَلور
.
اگر مین عالم اولا بیرده عالمه هیهات
ایله جوان ایله بیر ماه خوش نگاه گَلور
.
عبث دگل که توکر اود شرارۀ آهیم،
گوزومدن علّتی وار قان اولور میاه گَلور
.
علی وداعینی فکر ایلورم اورک گوزومه
هر آغلیان آنا بیر غملی خیمه گاه گَلور
.
اوغول گورور آنادان صبر و اختیار گیدر
آنا باخور که اوغول غرق اشک و آه گَلور
.
نشان ویرور او گَلیش اذن آلوب جِداله گیدور
باشندا گورسَنوری شوق رزمگاه گَلور
.
بویوردی گیت، دیمورم گیتمه، گیت اوغول دُؤزَرَم
ولی گونوم سر زلفون کیمی سیاه گَلور
.

#مهدیه
#اکبریه_وداع #اکبریه #اکبریه_خوندل_تبریزی
#خوشا_او_گون_که_گوراخ_چرخ_دینه_ماه_گلور
#خوندل_تبریزی
#ترکی
.