در تعریف خاک خراسان
.
✍️ #زبدةالاشعار✍️
.
🆔: @nohe_torki
.
مرحوم غمناک تبریزی
.
خوش حالیوه ای خاک دل آرای خراسان
مدفون اولونوب سنده او مولای خراسان
.
.
جان کیمی عجب چکموسن آغوشه امامین
قلبینده شرف بخش اولونوب عین مرامین
الحق کی سنین عرشیدن اعظمدی مقامین
هر لحظه ایدر عرش تمنای خراسان
.
.
بیر بقعۀ اطیب سن ایا ملک خراسان
فردوس بریندور حرمین روضۀ رضوان
اجبابلره جای صفا قبلۀ عرفان
حاصل ویری کام دله طوبای خراسان
.
.
خاک شرفیندن چکلوب گوکلره پرده
زینتدی یوزون بزم جلالتده نظرده
بو تربت پاکینده شفا علت درده
دار حرم امنیدی مأوای خراسان
.
.
قربان او در رحمته کیم سنده دی محزون
تا شأنین اولوبدور اونیله عزّته مقرون
مشتاقویلن ایتموسن عالملری مفتون
باشیمده منیم وار اودی سودای خراسان
.
.
یا شاه خراسان سنه قربان اولا جانیم
جانیمه سالوب آتش غم درد نهانیم
شرح غمیوه گلموری بو نطق و بیانیم
کشف الم و دردیدی مبنای خراسان
.
.
آدون دیله گلدوقجا گیدر قلب توانی
یاندوردی سنه ظلم ایدنین ظلمی جهانی
ایوای منه ایتدی سنه کیم بیله جفانی
رحم ایتمدی احوالیوه اعدای خراسان
.
.
مأمون ستمگر ایلیوب قتلیوه تدبیر
آخرده ایدوب ظلمیله دین ملکینی تسخیر
تا امر شهادت اولوب انگوریده تقدیر
دولدی شرر زهریله صهبای خراسان
.
.
مسموم ایدوبدور سنی اول زادۀ شداد
یخدی حرم دینی ایدوب اوزایوین آباد
یارب سن او ملعونین ایوین ایتگله برباد
ظاهر اولا بو دهریده معنای خراسان
.
.
«غمناک»سوزون ذکر شهادتده تمام ایت
بو قصّه کفایتدی بلا دشتینه بیر گیت
ذکر ایله حسین محنتینی مطلبیوه یت
گلسون اله منظور تولّای خراسان
.
#رضویه_غمناک_تبریزی
#رضویه_مدح #مشهد #خراسان
#خوش_حالیوه_ای_خاک_دل_آرای_خراسان
#فارسی
.
✍️ #زبدةالاشعار✍️
.
🆔: @nohe_torki
نظر دهید