دار فنانی ترک ایدوب پیغمبر خاتم بو گون #پیامبراسلام_خائف_تبریزی

شهادت پیامبر اسلام (ص)
.
✍️ #زبدةالاشعار ✍️
.
🆔: @nohe_torki
.
مرحوم خائف تبریزی
.
.
دارفنانی ترک ایدوب پیغمبر خاتم بوگون
قرآنیان غمگین اولوب یکسر دوتوب ماتم بوگون
زهرای بتول آغلار
اشکین یوزینه باغلار
.
.
اسلامیان باشسیزقالوب آغلاربوگون کون و مکان
جن و ملک ناله ایدرماتم دوتوب قدوسیان
روح الامین فریاد ایدرصاحب عزادور لامکان
بو شش جهاتی سربسر دیده گورور پرغم بوگون
.
.
نورخداوند ازل رحلت ایدوب خیرالبشر
جان حقیقت جان ویروب یوزلرده وارغمدن اثر
قرآن بو گون مصداقینین هجرانینه ناله ایدر
مقطوع اولوب وحیین یولی برباد اولوب عالم بوگون
.
.
گیتدی بودارحزینیدن چوخ حزنیله خیرسلیل
اولموش سیه پوش انبیا عیسی و موسی و خلیل
باشدان آتوب تاجین یره فریاد ایلرجبرئیل
زیبنده دور گوگدن یاغا روی زمینه دم بو گون
.
.
دوتموش فضانی ابرغم آغلور بوگون سنگ حجر
دین گلستانین ایلیوب باد فنا زیرو زبر
معناده جمله مؤمنین بوگون قالوبدور بی پدر
اوزباعث خلقتینه آدم دوتوب ماتم بوگون
.
.
الده عمامه آغلوری حسرتله شاه اولیا
خون جگرگوزدن توکر زهرا دیر ایوای بابا
آغلارحسینیله حسن عرشه چیخاریردن نوا
زهرای اطهر قدینی بو غم ایدوبدور خم بو گون
.
.
دفن ایتمموش پیغمبری ایتدی منافقلرجفا
بیرمجمعه جمع اولدولار اشرار-بیعت آلماقا
اول مجلسین اغواسینه اودلاندی باب مرتضا
ثانی جفاسیندن اولوب ارکان دین برهم بوگون
.
.
اول نحس شورادن چیخوب عالمده چوخ جورو جفا
باعث همان شورائیدی مسموم اولوبدورمجتبا
اول یرده ایجاده گلوب بنیان ظلم کربلا
خون حسینه ایتدیلر بیرشرکت اعظم بو گون
.
.
یازدی «قیامی» مطلعی «خائف» ایدوب کسرین رقم
بو خدمتی ایتمم عوض گرویرسه لرمین جام جم
یا رحمةً لِلعالمین ای صاحب جودو کرم
ای ملجاء درماندگان هجرینده غمبارم بوگون
.
.
#پیامبراسلام_خائف_تبریزی
#پیامبراسلام_شهادت
#دار_فنانی_ترک_ایدوب_پیغمبر_خاتم_بو_گون
#ترکی
.
✍️ #زبدةالاشعار ✍️
.
🆔: @nohe_torki