عبرت نامه
.
#زبدةالاشعار
.
: @nohe_torki
.
حاج اصغر فرشچی
.
دنيادان آز ده منه دل اونی بيگانه بولر
گلشن و باغ و چمن اولسادا ويرانه بولر
سفله پروردی زبس سينه ده چوخ کينه سی وار
دَلينی عاقل حساب عاقلی ديوانه بولر
عاشقين عمده هدف عشقيدی معشوقه سينه
داغا فرهادی چوله مجنونی مستانه بولر
گُلدی شوره گتورن بلبل شيدانی اوخور
شمع يانار اشکی آخار بير اونی پروانه بولر
بت لاری سند يرا عاشقدی خليل واهمه يوخ
عشقی صادقدی يانان آتشی گلخانه بولر
يوسف مصريده حسنی يارادان عشقيدی عشق
او زُليخانی سالوب درده شررجانه بولر
يوسفون پيرهنی معجز ايدرعشقينه باخ
چشم يعقوبه شفا دورگله کنعانه بولر
عاشق ايلر جاننی عشقه فدا مثل حسين
هم اوزون هم بالاسين فديۀ جانانه بولر
دهم ماه محرّمده ويرر دار و ندار
دنيانون مهرومحبت لرين افسانه بولر
سؤودوقوندان ره حقده او ملک منظرينی
شاهدِ اوّل علی کبری دردانه بولر
عاشق عباسدی قارداش بالاسی ايستدی سو
ويره جان دولدورا مشکين رهمردانه بولر
اودی دل عاشق جانانه اولان عاشقيدی
مهرين الله دی سالان قلبينه جانانه بولر
حُبّ عشقيندن ايچيردر اونا ساقی مِی ناب
مست ايدر تا به قيامت دولی پيمانه بولر
گرچه ويرانه دی دل مُلک حسين عشقيدی گنج
سيم و زر ايستموری دل اونی فرزانه بولر
يازولوب «عدلی» آدون دفترعشق ايچره سنون
قلمون دل اونا جوهر می وميخانه بولر
.
.
#دنيادان_آز_ده_منه_دل_اونی_بيگانه_بولر
#ترکی
.
.
#زبدةالاشعار
.
: @nohe_torki
نظر دهید