توسل به امام رضا (ع)
.
زبدة الاشعار
?: @nohe_torki
.
مرحوم غمکش
.
دوت الیمدن سن منیم شاه خراسان الدخیل
گلموشم درگاهووه زار و پریشان الدخیل
.
.
بیر کسیم یوخدی جهاندا جان پناهیم سن آقا
یوخ نیازیم بیر کسه سن تکیه گاهیم سن آقا
ضامن آهو یقینیم وار گواهیم سن آقا
افتخار ملّت بو ملک ایران الدخیل
.
.
دیلده گیزلین هامیدان مولا پیامیم وار سنه
هر یانا گئتسم گئنه تشنه نگاهیم وار سنه
حضرت معصومه دن مولا سلامیم وار سنه
مشکلون زوّاروون سن ایله آسان الدخیل
.
.
سن بو شهره گلموسن خلقه عنایت ائتموسن
چوخلارین لطفونله مولا با سعادت ائتموسن
دردینه بیر عدّه‌نین آخر طبابت ائتموسن
سسلرم منده سنی ای جان جانان الدخیل
.
.
وای او گوندن زهریله یاندی دلون اولدی کباب
سسلدی آغلار اباصلت اولمادی سندن جواب
دشمنین اولسون گوروم مولا ائوی یکسر خراب
اودلانوب هجروندن اوندا اهل ایمان الدخیل
.
.
کربلایه ساری دوندون سینده احساسیله
جدّوی سسلندون امداده عمون عبّاسیله
دوشدی گردابه دلون مولا ملال و یاسیله
قوزانوب فریاد دل ای شاه عطشان الدخیل
.
.
«غمکشین» ای شاه عالم شعرینه ایله نظر
خامه الده محضرونده برگ پائیز تک اَسر
آغلارام منده سنون اجدادووه شام و سحر
سسلرم ای ضامن خلق غریبان الدخیل
.
#سبک_زینبم_جان_اوستیم ( 4 سبک )
.
#رضویه_مدح
#دوت_الیمدن_سن_منیم_شاه_خراسان_الدخیل
#غمکش
#یادگار_غمکش
#ترکی
.
#زبدةالاشعار
?: @nohe_torki
: @nohe_torki . ستار رزاقی . دُر رخشندۀ دریایِ حیا زینبدور مَه تابندۀ اِسپهر وفا زینبدور . مظهر عصمت و تقوا و عفاف و پاکی معنیِ معرفت و صدق و صفا زینبدور . تربیت یافتۀبیشتر
نظر دهید