دور ابوالفضلیم اویان ای ادب کانی #عباسیه_محمدی_ولایی

در بالین علمدار
..
..
..
..
#سبک_دور_ابالفضلیم_اویان … ( تصنیف ای فدای آن همه عطر و بوی تو )
..
..
..
..
حاج رضا محمدی
..
..
..
..
دور ابوالفضلیم اویان، ای ادب کانی
بیر بئله آغلاتما بو شاه عطشانی
دور قولون سال بوینوما، یاره لی قارداش
دوره دن دشمن گولور فاطمه جانی
ایاقه دور آرخام ئلیم قارداش-بو غصه دن سیندی بلیم قارداش
(یارالی قارداش یا ابوفاضل-وفالی قارداش یا ابوفاضل)
..
..
..
..
ای سپهر عشقیده، ماه رخشنده
عرصهٔ میدانیده، شیر غرنده
ای یل بحر وفا، گوزلرون یوما
جان زهرا بیر بئله، اولما شرمنده
دانیش فدایم سوزوه قارداش-نه گلدی بو ساق گوزوه قارداش
(یارالی قارداش یا ابوفاضل-وفالی قارداش یا ابو فاضل)
..
..
..
..
قوی ئوپوم قارداش سنون، روی ماهوندن
کیم ووروبدی اوخ بو چشم سیاهوندن
باش سینوب قولار دوشوب، ظلم اعدادن
لخته لخته قان آخیر، سجده گاهوندن
ایاقه دور غیرتلی سرداریم-علم دوشوبدی آی علمداریم
(یارالی قارداش یا ابوفاضل-وفالی قارداش یا ابوفاضل)
..
..
..
..
الحق الحق سن گل٬ باغ حیدرسن
عین حیدر جنگیده، شیر داور سن
کیم آخی عطشان چیخار، نهریدن سویله
سن هامی عاشقلره، شاه و سرورسن
علی نین اوغلی مه لقا عباس-مدد بو جمعه ایله یا عباس
(یارالی قارداش یا ابوفاضل-وفالی قارداش یا ابوفاضل)
..
..
..
..
دوشمشم قارداش داخی، تاب و یارادن
سن ولی مست اولموسان، جام صهبادن
سویله گلمیشدی هاچان، یانوه زهرا
کربلا دشتی دولوب، عطر زهرادن
دنن بوکولموش قدینی گوردون؟-یوزونده سیلی ردینی گوردون؟
(یارالی قارداش یا ابوفاضل-وفالی قارداش یا ابوفاضل)
..
..
..
..
آغلیار هامی سنه، لیل تاسوعا
وای اوغول ایوای دیر، حضرت زهرا
ملک غیرتده سنه، یوخدی همپایه
آل زهرایه اولوب، محشر کبرا
شهنشه ملک سخا عباس-یل سپاه کربلا عباس
(یارالی قارداش یا ابوفاضل-وفالی قارداش یا ابوفاضل)
..
..
..
..
دهریده هر درده مولا دوا سنده
هر مریضه یا اباالفضل شفا سنده
قبروه دعوت ائله، خیل عشاقی
چون برات وادی، کربلا سنده
معین و سقای حرم سن سن-شهنشه صاحب کرم سن سن
(یارالی قارداش یا ابوفاضل-وفالی قارداش یا ابوفاضل)
..
..
..
..
#عباسیه_شهادت
#دور_ابوالفضلیم_اویان
#محمدی_ولایی #عباسیه
#ترکی
#زبدةالاشعار