دور ای سو کنارینده لب تشنه آخان قانی #اربعین_علومی_تبریزی

اربعین
زبانحال امام سجاد(ع)
.
#زبدةالاشعار
.
: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار #سبک_ای_شمع_حرمخانه #سبک_آتدان_یره_چون_دوشدی
.
علومی تبریزی
.
دور ای سو کنارینده لب تشنه آخان قانی
گتدیم بو گوزل قبره بیر جمع پریشانی
.
.
ای عرش کیمی اولموش خوش مدفنی ششگوشه
خوش حالنه بو قبرون آلدی سنی آغوشه
باخدوقجا جگر قانی دلده گلوری جوشه
دور گور نجه دولدورموش نالَم بو بیابانی
.
.
اوّل دیگوروم جسمون سالمدی سلامتدی
یا اینکه آخور قانی هر یانی جراحتدی
بلّم بابا سینونده اصغریری راحتدی
قویدوم ایاقون آتدا من اکبر عطشانی
.
.
بو مدتی که سندن من ظلمیله مهجورم
ویرانه ده چوللرده بیمارم و رنجورم
چوخ شکر ایدرم ایمدی بو قبرده مسرورم
قورتولدی غمیم گوردوم بو روضۀ رضوانی
.
.
بو چولده سنون قلبون نار ستمه یاندی
لب تشنه الون اوسته اصغر بالان اوخلاندی
شهزاده علی اکبر بو عرصه ده دوغراندی
گزدیردی اوغول عشقی مجنون کمی لیلانی
.
.
اوّلده بابا بوردان من کوفیه یولاندیم
بوینومدا آغیر زنجیر یاندیم باباجان یاندیم
عریان دوه اوستونده اود دوتدیم الولاندیم
اول حالتیله گزدیم اطفالیله هر یانی
.
.
بزمینده زیاداوغلی گتدی حرمون داده
الده یارالی باشون فخر ایتدی زنازاده
ئولدورمگه بیماری امر ایلدی جلاده
شرم ائتمدی زهرادن داندی بابا قرآنی
.
.
گئتدیم باباجان شامه تحت غل و آهنده
زنجیر ایلدی یاره رحم اولمادی دشمنده
شام ایچره بابا اولدوخ سنده یارالی منده
دور باخ نجه زنجیرون گور ایمدیده وار قانی
.
.
نار غمه شام ایچره یاندوخ باباجان یاندوخ
ویرانه قالا شامی دلدن یانوب اودلاندوخ
نه عرض ایلیوم بابا بیز قول قولا باغلاندوخ
شام اهلی دولاندوردی ذریۀ طاهانی
.
.
ظلم اهلی بابا ظلمون افلاکه دایاندوردی
اود باشیمیزه توکدی هر یانی دولاندوردی
بیر اوددا منیم دوشدی عمامه می یاندوردی
عمامه نه تک بلکه یاندوردی دل و جانی
.
.
اطفالیوه شام اهلی ویرانه مکان ویردی
بیر نازلی بالا عشقون دنیایه نشان ویردی
آج قالدی سوسوز قالدی ویرانه ده جان ویردی
ویرانه ده دفن ایتدیم اول لعل بدخشانی
.
.
دربار همایوندا مدّتدی عزادارم
روحاً بیلسوز دائم یا سیّدی بیمارم
بو درد اسفناکه چوخداندی گرفتارم
لطف ایله «علومینون» چون سنده دی درمانی
.
.
#اربعین_علومی_تبریزی
#دور_ای_سو_کنارینده_لب_تشنه_آخان_قانی
#ترکی
.
#زبدةالاشعار
.
: @nohe_torki