دور حسین شامیدن گلدی زینب #اربعین_فکری_اردبیلی

اربعین
..
..
..
#سبک_ای_قلم …
..
..
مرحوم فرهاد فکری اردبیلی
..
..
..
..
دور حسین شامیدن گلدی زینب
قبریوه چاتدی دینجلدی زینب
آهیم اوج ایتدی عرش برینه
ئولمیوب گلمیشم اربعینه
..
..
..
..
چوللری گزمیشم مات و حیران
گلمیشم خسته و دل پریشان
پیشواز ایله بو دلكبابی
دردیمه یوخدی دنیاده درمان
آهیم اوج ایتدی عرش برینه
ئولمیوب گلمیشم اربعینه
..
..
..
..
عهدیمی باشه آخر یتیردیم
نخل امّیدی دلده بیتیردیم
دلخوشام ئولمدیم اربعینه
قیزلاری قبرون اوسته گتیردیم
آهیم اوج ایتدی عرش برینه
ئولمیوب گلمیشم اربعینه
..
..
..
..
كوفه نون اولدی چوخ ابتلاسی
كوچه بازاریده ماجراسی
چیخماز ئولسمده قارداش یادیمدان
ویردیلار زینبه دل یاراسی
آهیم اوج ایتدی عرش برینه
ئولمیوب گلمیشم اربعینه
..
..
..
..
هر بلا وار منِ زاره چاتدی
گوز یاشیمی فلك قانه قاتدی
یاره لی باشوه نیزه اوسته
كوفه شهرینده مردم داش آتدی
آهیم اوج ایتدی عرش برینه
ئولمیوب گلمیشم اربعینه
..
..
..
..
زینبون عزّ و جاهی یوخ اولدی
سینمه دل یاراسی اوخ اولدی
شامیده چكدیگیم ابتلالر
كوفه دنده حسینجان چوخ اولدی
آهیم اوج ایتدی عرش برینه
ئولمیوب گلمیشم اربعینه
..
..
..
..
سالدی دشمن بیزی چوخ عذابه
گه بیزی چكدی بزم شرابه
باب ساعتده چوخ چوخ یوباندیم
منزلیم اولدی آخر خرابه
آهیم اوج ایتدی عرش برینه
ئولمیوب گلمیشم اربعینه
..
..
..
..
بیر گلون كنج ویراندا سولدی
خیرداقیزلارساچین آچدی یولدی
جان ویرن وقته نازلی رقیون
باغریقان زینبه محشر اولدی
آهیم اوج ایتدی عرش برینه
ئولمیوب گلمیشم اربعینه
..
..
..
..
غصّه لی قلبیمی ایتدی یاره
چاتدی آخر وصال نگاره
ئوز الیملن اونا قبری قازدیم
قویدوم آخر او زاری مزاره
آهیم اوج ایتدی عرش برینه
ئولمیوب گلمیشم اربعینه
..
..
..
..
زینبون خوشدی دلدارون اولسون
وار نقدرعمری غمخوارون اولسون
لطف قیل یاحسین تا بو «فرهاد»
بیر یول عالمده زوّارون اولسون
آهیم اوج ایتدی عرش برینه
ئولمیوب گلمیشم اربعینه
..
..
..
..
#اربعین #فکری_اردبیلی #ترکی #زبدةالاشعار