دور همسفرین گلدی ای همسفر زینب #اربعین_معروف_اهری

اربعین
.
.
#سبک_آتدان_یره_چون_دوشدی (با واگیر)
#سبک_یاران_چه_غریبانه (بدون واگیر)
.
.
کربلایی ابوالفضل عباسی معروفان اهری
.
.
دور همسفرین گلدی ای همسفر زینب
بو دشت غم افزایه دوشدی گذر زینب
.
عالمین سلطانی قارداش حسینیم
قبروین قربانی قارداش حسینیم
.
.
.
.
.
.
غم یورقونیام قارداش آشفته و دلخسته
سن لیلی باجون مجنون باخ عاشق سرمسته
دردیم گؤتوروب گلدیم ششگوشه مزار اوسته
شهپرلریم اودلاندی ای بال و پر زینب
.
دور اخا قبریدن نالاندی زینب
ششگوشه قبروه مهماندی زینب
.
.
.
.
.
.
بو قطره ی بی جاندان دریایه سلام اولسون
دردانه و دلبند زهرایه سلام اولسون
سینونده یاتان طفل زیبایه سلام اولسون
راحت یاتون ای دوتقون شمس و قمر زینب
.
ئولمدیم قبریوه گلدیم یارالی
دور منی پیشواز ائت زهرا مارالی
.
.
.
.
.
.
بو محنت عظمایه هم آتش و آب آغلار
احوال شهیدانه هر قلبی کباب آغلار
هم لیلی بی اکبر هم خسته رباب آغلار
هجرونده روان اولدی اشک بصر زینب
.
آغلارام سینه می داغلارام قارداش
سینه وین یاره سین باغلارام قارداش
.
.
.
.
.
.
بو چؤللری آواره گزدیم نگران گلدیم
پیراهنوی آلدیم اللرده نشان گلدیم
دردانه قیزون وئردی ویرانه ده جان گلدیم
بار غم و محنتدن سیندی کمر زینب
.
شعله عشقوه آلیشدیر منی
یورقونام خستیم دانشدیر منی
.
.
.
.
.
.
سایسیزدی منیم دردیم هرغم دله بیر اوخدی
سس ویر منه آی قارداش قلبیمده سؤزوم چوخدی
اهل حرمون گلدی ایستکلی قیزون یوخدی
ویرانه ده دفن اولدی گنج و گهر زینب
.
گلمدی خرابه یئرلرده قالدی
رقیه نین آدی دیللرده قالدی
.
.
.
.
.
.
#اربعین
#دور_همسفرین_گلدی_ای_همسفر_زینب
#معروف_اهری
#ترکی
#زبدةالاشعار