دور یولا سال زینب بی خانمانی یاحسین #مصیبی_تبریزی

خروج از قتلگاه
زبانحال علیامخدره زینب کبری(س)
.
زبدة الاشعار

?: @nohe_torki
.
محمد علی مصیبی تبریزی
.
دور یولا سال زینب بی خانمانی یاحسین
تاپشور اللهه بو باشسیز کاروانی یاحسین
.

تا وارام من قویمارام پامال اولا خون خدا
قویمارام راحت نفس چکسین یزید بی حیا
لازم اولسا کوفه شهرین ایلرم کرب وبلا
آتشین نطقیمله یاندیرّام جهانی یاحسین
.

باغلیوبلر قول قولا اطفالیوی قوم دغا
عازم شامات ائدوللر اهل بیتی ، اشقیا
دور یولا سال کاروان عترتی شاهنشها
حالیمیز آغلار قویار خیرالنسانی یاحسین
.

ای اولان مصداق معنا آیۀ اَلحاقیه
تاپشوران اطفاله باخ بیر باخ بو قوم یاغیه
گور نه ذلتله حسین جان میندیریللر ناقیه
تازیانه ضربتی آلمیش قوانی یاحسین
.

چارم اولسیدی حسینیم گئتمزیدیم شامه من
قانلی صحراده قالوب نائل اولاردیم کامه من
عشقیلن سایه سالاردیم جسم گلگون فامه من
عطریوی آلجاق وئرردیم من بو جانی یاحسین
.

قوملاراوسته پیکرین عریان قالوب ای بی کفن
قویمیوبلر یاره وی من باغلیام ، باشسیز بدن
سانجیلوبدی اوخ اوخ اوسته جسمیوه آخرندن؟
خار ظلمت سولدیروب بو گل ستانی یاحسین
.

سالدیلارباشدان سنون قارداش ولایت تاجیوی
سینه سی داغلار گوزی آغلارقویوبلار باجیوی
قانلی صحراده گوروب باجون صفا معراجیوی
زینت ائتدی تا باشون نوک جدانی یاحسین
.

صرصرظلم اسدی تاراج اولدی اجلالون حسین
داش وروبلارباشیوه قان اولدی تمثالون حسین
باغلانوبدور قول قولا لب تشنه اطفالون حسین
اود دوتوب پامال اولوب عشق آشیانی یاحسین
.

آسمان کربلاده آخدی بطحا کوکبی
قالدی باشسیز رهروان ابتلانین موکبی
جبریلن شاماته یوللور شمر ِ کافر زینبی
واردی شامین داش وُران هم ال چالانی یاحسین
.

آتش عشقینده قارداش اود دوتوب سینم یانوب
هجمۀ طوفان احساسونله قلبیم اودلانوب
کوفیان بیرده علی اولادینون حقین دانوب
سوز آهیم یاندیراندور کوفیانی یا حسین
.

نوک نی ده قانلی باشه زینبون قربان اولا
صرصر ظلم آز قالور گلبرگ ایمانی یولا
آیریلیق وقتی یتوبدور باجیوی دور سال یولا
وئرمیشم باشه بو چولده امتحانی یاحسین
.

بوهمان یردور کی فخر ایلر سپهر اخضره
عشق اولا دشت بلاده خاک پاک و اطهره
خون پاکین دور صفا وئرمیش بو خاک اغبره
قانین ایلوبدور مطهّر کربلانی یاحسین
.

#سبک_زینبم_جان_اوستیم (4سبک)
.

#کوچ_کربلا
#دور_یولا_سال_زینب_بی_خانمانی_یاحسین
#مصیبی_تبریزی
#ترکی
.
#زبدةالاشعار

?: @nohe_torki