دوزولوبدی نظمه اوخلار گل گلستانه بنزور #کوچ_کربلا_غمکش

زبانحال حضرت زینب (ع)
کوچ از قتلگاه
..
..
#سبک_سو_یوخومدی_قزلاروندان … 5 سبک
مشابه
..
..
مرحوم غمکش
..
..
..
دوزولوبدی نظمه اوخلار گل گلستانه بنزور
نئچه گلدی گل وجودین سارالان خزانه بنزور
یارالی حسینیم ایوای
شه ملک دینیم ایوای
..
..
..
..
گیدورم باشون دالیجا اور گیمده چوخ یارام وار
بدنون فداسی قارداش هله بیلمورم هارام وار
نئجه صبر ایدیم باشیمدا نه بلادی بو قارام وار
اورگیمده غُصه قارداش غم بیکرانه بنزور
یارالی حسینیم ایوای
شه ملک دینیم ایوای
..
..
..
..
سنه قوملار اوستی قارداش نه روادی بستر اولسون
نده بیر کفن سیز ایندی بو یارالی پیکر اولسون
قوناقون امیدوارم بو گیجه پیمبر اولسون
دیوم هانسی اوخ یاراسی بیله بیر نشانه بنزور
شه ملک دینیم ایوای
یارالی حسینیم ایوای
..
..
..
..
منی غارت ایلین لر سنی دیده دن آتوبلار
بو حیاسیز امّت ایندی که مُرادینه چاتوبلار
ندی جرمین ایندی قارداش سینون اوسته آت چاپوبلار
آنامون قانی ئور کده گورورم بو قانه بنزور
شه ملک دینیم ایوای
یارالی حسینیم ایوای
..
..
..
..
نه قالوب سنه عمامه نده پیرهن حسینیم
آپاروبدی خیمه لر تک اونی اَهرمن حسینیم
گیدورم یوخون بویئرده نه گلوب گیدن حسینیم
نده هانسی بیر یارالی دیورم بوجانه بنزور
شه ملک دینیم ایوای
یارالی حسینیم ایوای
..
..
..
..
دل غمکشه بو نوحه ایله بیر شراره ووردی
دم محشره گیدونجه نه دیسون که یاره ووردی
اودی هر یئره چاتوبدی اورا شال قاره ووردی
سوزی سینه ده قالوبدی اودی قد کمانه بنزور
شه ملک دینیم ایوای
یارالی حسینیم ایوای
..
..
..
#کوچ_کربلا_غمکش #ترکی #زبدةالاشعار