میلادیۀ قمر منیر بنی هاشم (ع)
..
..
..
رضا غلامپور (دلپاک)
..
..
..
دولاندی دور احسانیله دوران
آچیلدی باب رحمت خوان احسان
نه چون یولدان یئتیشدی دورد شعبان
گلیبدور عالمه بیر ماه تابان
..
نه ماهی کی دلینده واردی احساس
دئیلر آدینا غیرتلی عبّاس
..
..
..
..
دئیوم کیم گلدی ای اهل ولایت
دئیوم کیمدی بو کانون عنایت
دئیوم کیمدن گلیب ائتسون حمایت
ائدر بیر بو سوزوم بالله کفایت
..
وفا تصویرینون نقّاشی گلدی
حسینون باوفا قارداشی گلدی
..
..
..
..
سریر قلبیده اگلشدی سردار
باسیبدیر باغرینا سلطان ابرار
بولوندی معنی آثار و ایثار
گلیبدی لشکر حقه علمدار
..
جمالی گوندن آرتیخ منجلیدور
علمدار حسین بن علیدور
..
..
..
..
ایشیقلاندی گئنه شهر مدینه
شعف یئتدی دل سلطان دینه
گلیب حامی اولا دین مبینه
گلون باهم دیاخ ام البنینه
..
صفالی دللری سن ایلدون شاد
ائوین اولسون خانم عالمده آباد
..
..
..
..
جهان شامل اولوب خیر کثیره
چاتیب ماه ادب مهر منیره
دوشوب شور و شعف هرخوش ضمیره
وئرنده سینه ده یئر شه وزیره
..
وئریبدور یئر اورکلر شور و شینه
ابوالفضل آچدی گوز باخدی حسینه
..
..
..
..
گورن سویلور شه احراره بنزیر
قولوندان جعفر طیاره بنزیر
اوشاقلیقدان ائله سرداره بنزیر
باخیشدان حیدر کراره بنزیر
..
ائدیر هر جلوه سی توصیف اوزوندن
بوتون غیرت یاغیر بیر جوت گوزوندن
..
..
..
..
دوشه هرکیم اگر درد و بلایه
دوتار یوز صدق اوزیله کربلایه
دئیر دردین امیر باوفایه
قسم اولسون سو مشکیله لوایه
..
تاپار هر حاجتی اوسته نتایج
دئسه هر کیم ایا باب الحوائج
..
..
..
..
بودور اکرام و هر الطافه شایق
بودور چرخ وفا و عهده شارق
بودور تقوا بودور ایمان واثق
گرک اولسون بونا هر بنده عاشق
..
کی بنده عشقسیز زیبنده اولماز
“ابوالفضل عاشقی شرمنده اولماز”
..
..
..
..
وفانون بیکران دریاسیدور بو
هامی حرّیّتون معناسیدور بو
علینون شیر دل عبّاسیدور بو
حسین اردوسونون سقّاسیدور بو
..
“بو سقّای شهید کربلادور
اولا هر مشکلون مشکل گشادور”
..
..
..
..
وئرین بیر سس سسه ای اهل عالم
دم روح الامیندن اخذ ائدین دم
دوتون یوز یثرب بطحایه خرّم
سروریله دئیون پیوسته باهم
..
سن ای لوح دلونده حق سوزی حک
اولا میلاد عبّاسون مبارک
..
..
..
..
گوزل آدی”ولی”شهرتده”پیری” (1)
مدایح خانه ده مدحون اسیری
بوگون”دلپاکه”گوستردی مسیری
دئدی مدح ائت بئله شیر دلیری
..
او شیری کی آتاسی شیر حقدور
گواه قدرتی شمشیر حقدور
..
(1) “ولی پیری” مداح و نوحه خوان باصفای اهل بیت (س) در تبریز
..
..
#عباسیه #دلپاک #عباسیه_میلادیه #ترکی #زبدةالاشعار
متن های پیشنهادی برای شما
چوخ منی بو محنت شام ایتدی دلگیر عمه جان #حضرت_رقیه_صحاف_تبریزی
زبان حال حضرت رقیه (س) در خرابه شام خطاب به حضرت زینب (س) . . مرحوم صحاف تبریزی . . چوخ منی بومحنت شام ایتدی دلگیر عمه جان غصه دن قان اولدی باغریم ایله تدبیر عمه جان . کثرت غمدن دونوب بیر تیره شامه گوندوزوم اوج ایدربیشتر
ایلیوب رحلت شه بطحا بو گون #پیامبراسلام_صحاف_تبریزی
شهادت حضرت خاتم الانبیا (ص) . 
#زبدةالاشعار . 
: @nohe_torki . مرحوم حاج محمد حسین جنّتی مقام (صحاف تبریزی) . ایلیوب رحلت شه بطحا بو گون باش آچوب ایلر نوا زهرا بو گون . . مصدر وَالعَصر بزم غم قوروب آفتاب دین بو گونبیشتر
آچدی نرگس گلی مثلی اولماز #مهدیه_عدلی_تبریزی
میلاد حضرت مهدی (عج) . #زبدةالاشعار . : @nohe_torki . #سبک . حاج اصغر فرشچی ( عدلی تبریزی) . . آچدی نرگس گلی مثلی اولماز آختارارسان بیله گل تاپولماز تا قیامت خزان اولسا سولماز . خالق سبحان =کریم ومنان گلشن دینهبیشتر
درد فراق سالدی جانا شراره #اربعین_عدلی_تبریزی
اربعین . زبدة الاشعار . : @nohe_torki . #سبک_امید_و_سقای_حرم_اباالفضل مشابه . حاج اصغر فرشچی ( عدلی تبریزی) . . درد فراق سالدی جانا شراره گلموشم اربعینه بو مزاره . دوشدی او گون قدرت عدو الینه بوردا سنی اوخلادیبیشتر
سس گلوبدور اهل عشقه دلبر جانانه گلدی #حسنیه_بیدقداری
مدح و میلادیه حضرت امام حسن مجتبی علیه السلام . زبدة الاشعار . : @nohe_torki . #سبک با صدای حاج داود بیدق داری . حاج داود بیدق داری ( داور ) . سس گلوبدور اهل عشقه دلبر جانانه گلدی یتشوب ایام مستی ساقی میخانه گلدیبیشتر
طلوع ایت مشرق اسلامدن ای نیر اعظم #مهدیه_تائب_تبریزی
استعانت از امام زمان ( عج ) . . مرحوم تائب تبریزی . . طلوع ائت مشرق اسلامدن ای نیّر اعظم وور انوار جلالیله بسیط عالمه پرچم . ئوزون گل نوروویله ظلمت کفری ائله زایل آلا تا برق ایماندان دل وجان بنی آدم . اولان ای گل وجودیبیشتر
نظر دهید