دولدوروب فاطمه نین محنتی مولا گوزینی #فاطمیه_حافی_تبریزی

شهادت حضرت زهرا سلام الله علیها
.
#زبدةالاشعار
.
: @nohe_torki
.
مرحوم حافی تبریزی
.
دولدوروب فاطمه نین محنتی مولا گوزینی
دوندروب درگه خلاق کریمه یوزینی
.
دیدی آگهسن الهی سند کاریمدن
بی وفا امتیله اولدوقی رفتاریمدن
.
نیلمیشدیم بو جماعت بیله غوغا ایلدی
چخدیلار آیری یولا حیطۀ گفتاریمدن
.
قاپومین یانماقینا بیعت آدی اولدی دلیل
بو جنایت لر اولوب خصم ستمکاریمدن
.
بو وقایعده نه صدمه یتیشوب فاطمیه
باخبرسن جریان غم دلداریمدن
.
سینه سین یاره لیوبدی قاپونین مسماری
سلب طاقت ایلیوب محرم اسراریمدن
.
اریدوب درد وجودین، دورا بُلمور ایاقا
بیرجه تصویر نمایاندی او غمخواریمدن
.
کمکیمدی ائویمین زینتیدی دوردوقجا
الیمی اوزمه او شایسته فداکاریمدن
.
فاطمه گئتسه بو عالمده کمکسیز قالام
آلان اولماز غمیمی قلب شررباریمدن
.
فاطمه گئتسه ایوین نظم و نظامی پوزولار
اوجالار وای آناوای ناله سی قیزلاریمدن
.
فاطمه گئتسه علینون قاپوسی باغلی قالار
گلن اولماز بو ائوه یاور و انصاریمدن
.
مصلحت اولسا شفا لطف ایله طاها قیزینا
زائل ایله مرضی یار وفاداریمدن
.
ایسترم ترک ایلیوم منزلی دردیم آزالا
اوجالار آه اودی اما دل بیداریمدن
.
درده گلم ساتاشاندا بو گوزوم پشت دره
گورونر ظلم اثری چون در و دیواریمدن
.
محسنین قبرینه باخدوقجا امان ای الله
یانارام، اشکیم آخار دیدۀ خونباریمدن
.
آل قصاصین او گنه سیز بالامون دشمندن
غنچه لیقدا قیریلوب شاخۀ پرباریمدن
.
یانا یانه چخورام کوچیه اما گنه ده
اولوری ترک ادب دشمن غداریمدن
.
ایوه ناچار اولورام داغلی دلیله قییدم
باخبر اولماقا غمخوار سزاواریمدن
.
گورورم فاطمه گوزیاشلی یاتوب بسترده
لیک لبخند ووروب شاد اولی دیداریمدن
.
باخورام غصه لی احوالینه دردیم چوخالور
ئولوم احساس ایدورم بس او وفاداریمدن
.
دوشموشم مشکله، مشکل آچانام گرچه ئوزوم
نظرون کسمه دل درده گرفتاریمدن
.
منه یارب ائویمیز محبس اولار فاطمه سیز
ملک یثربده علی بی کس اولار فاطمه سیز
.
فاطمه ائوده منیم تکیۀ گفتاریمدی
فاطمه ائوده امیدیمدی یوخوم واریمدی
.
فاطمه ضوء و صفادی بو محقر ایوده
صحبتی طاقت و آرام دل زاریمدی
.
فاطمه بضعۀ طاهادی، منه یاوردی
فاطمه درده یتن درده گرفتاریمدی
.
فاطمه عاطفه دریاسیدی باشدان ایاقا
ئوزی مردانه دی شایسته فداکاریمدی
.
فاطمه دورت بالاما قلبی شکسته آنادی
جسمیمه جاندی، منیم محرم اسراریمدی
.
فاطمه صبر دلیمدی، قولومون قوتیدی
عرصه ده صحنه ده مردانه صفت یاریمدی
.
فاطمه مندن اوتور اولدی بلایایه هدفی
غم منه یوز چویرن وقتیده دلداریمدی
.
فاطمه نطقیده شمشیر بیانیمدی منیم
دانیشیقدا دهنی درج گهرباریمدی
.
فاطمه گر سولا امید بهاریمده سولار
فاطمه باغ وفاده گل بی خاریمدی
.
فاطمه غصه لننده حسنینیم پوزولار
بو ایکی سبط نبی نوگل گلزاریمدی
.
منه آرامش خاطردی بتولین باخیشی
روحیمه حظ ویرن عالم دیداریمدی
.
چخسام ایودن نگران حالیله بیر موقع اگر
گورّم آشفته غم قلب شررباریمدی
.
ایسترم تیز قییدم فاطمه نی بیرده گورم
بونا خاطر او قرار دل بیداریمدی
.
قیمارام غصّه لنه، دردیمی من گیزلدرم
بُلسه ناراحت اولار یار و وفاداریمدی
.
گون به گون قامت رعناسی ایاقدان دوشوری
چمنیم زینتی، بیر سرو سمنباریمدی
.
دورا ایستور ایاقا تکیه ایدور دیواره
وضع حالی سبب درد دل زاریمدی
.
«حافی»! رحماندی خدا عاقل و دیوانیه ده
ایسته توفیق ویره حق سنه ده بانیه ده
.
.
#فاطمیه_شهادت
#دولدوروب_فاطمه_نین_محنتی_مولا_گوزینی
#حافی_تبریزی
#ترکی
.
#زبدةالاشعار
.
: @nohe_torki