دیردی زینبه مقتول ظلم آل امیّه #حضرت_رقیه_سعدی_زمان

زبانحال حضرت رقیّه (س) در خرابۀ شام
.
#زبدةالاشعار
.
: @nohe_torki
.
مرحوم سعدی زمان
.
دیردی زینبه مقتول ظلم آل امیّه
حسین فاطمه نین سوگُلی بالاسی رقیّه
.
ندور علاج من زار و دل فکاره ای عمّه
یاتانمورام، آجام، ایله بو درده چاره ای عمّه
.
آجیمدان عمّه دیزیم گَلموری دوروم دولانوم من
اولوب بو غصّه سبب سلب اختیاره ای عمّه
.
ویروب محاصره تشکیل، جسم مملکتینده
سالوبدی لشکر غم گوگلیمی حصاره ای عمّه
.
ویروبدی هنگ بلایه امیر غم بیله فرمان
آلا آرایه منی قویمیا کناره ای عمّه
.
محالیدور بو جهاندا منیم یوزیم گُله بیرده
گرک اَلونجه گَلم داد و آه و زاره ای عمّه
.
می مقدّر اولاندا مقدّرات عوالم
یازوب قضا قلمی لوحه بخت قاره ای عمّه
.
بهار عیشیمی دوندردی غم سمومی خزانه
خزان اولان گُله من اُلموشام هزاره ای عمّه
.
بابام خزابیه گَلمور سالوب ندن منی گوزدن
هایاندادور، نه گَلوبدور او شهریاره ای عمّه
.
گَلور خیاله یتیم اَُلموشام ایویم یخلوبدور
آتام اَلوبدور اگر، سویله آشکارا ای عمّه
.
یتیم اوشاق کیمی هر کس گَلور وورور منه سیلی
ترحّم ایلین اولمور بو دلفکاره ای عمّه
.
ایدوبدی گور نجه سیلی یری جمالیمی نیلی
آنام باخاندا یانار نیل رنگ عذاره ای عمّه
.
یانوبدی زر کیمی غم بوته سینده جسم ضعیفیم
ووروب بلا محکی کاملاً عیاره ای عمّه
.
اگر منیم چکه تصویریمی صحیفیه نقّاش
مثال و جسمیمی سیچمز ایدن نظاره ای عمّه
.
باخان دیر که بو تشریح محض دور ید قدرت
چکوب خرابه ده تمثالینی جداره ای عمّه
.
گیدوب بابام دیوسن کعبیه صباح گَله جاقدور
سبب ندور دِه گوروم بس بو انکسار ای عمّه
.
بیریسی کعبیه گیتسه مگر سویالّا عیالین
سالولّا باشی آچوق دشت و کوهساره ای عمّه
.
ووروبدیلار او قَدَر تازیانه باشیمه یولدا
که سوزشی جگریمه سالوب شراره ای عمّه
.
گهی یخوب دَوه دن ساربان گئجه یول ایدنده
پیاده آت دوشونه گَه سالوب سواره ای عمّه
.
ایدوب ایاقلاریمی یولدا یاره خار مُغیلان
دوشاخه مرهم اولوب جسم زخمداره ای عمّه
.
هانی رشید عموم عبّاس، نولدی قارداشیم اکبر
که شمر آپاردی بیزی مجلس قِماره ای عمّه
.
اوتورموشم اوزیمی ایلیوبدی غصّه گلوگیر
ایدنمورم غمیمی بیر به بیر اشاره ای عمّه
.
یتوب زواله بو عمریم، گونی یاخوندی غروبه
دوزوب عرقدن اجا آنّیما ستاره ای عمّه
.
چوخ آرزو ایدورم بو خرابه یرده اُلم
یزید مجلسینی گورمیم دوباره ای عمّه
.
آدیم «حسینی»، اوزوم کنز غم، بلائیله توام
گَله چتیندی نظیریم بو روزگاره ای عمّه
.
زمانه قویدی منیم آرزولریمی گوزیمده
بو آرزولریم آخِر گیدر مزاره ای عمّه
.
.
.
#حضرت_رقیه_شهادت
#دیردی_زینبه_مقتول_ظلم_آل_امیه
#ندور_علاج_من_زار_و_دل_فکاره_ای_عمه
#لمعات_حسینی ص 360
#ترکی
.
#زبدةالاشعار
.
: @nohe_torki