عاشق
زبانحال امام حسین (ع) با خواهر
( بعد از شهادت حضرت علی اکبر (ع) )
..
..
..
مرحوم نخستین
..
..
..
راه جاناندا باجی لازم دگول جان عاشقه
باخسا بیر دفعه اگر لطفیله جانان عاشقه
..
..
..
آیری لذت وار باجی زینب مرام عشقده
نهضت عشق ایله ثابت اول مقام عشقده
خون عشقی خوشدور ایچمک ، لیک جام عشقده
شهدیدن شیریندی زخم تیر و پیکان عاشقه
..
..
..
صفحۀ تاریخه بو نهضت یازیلسون قانیلن
نهضتیم تطبیق اولونسون آیۀ قرآنیلن
سورۀ یاسینیلن وَالشَّمس وَالرَّحمانیلن
دادخواه اولموش چو بسم الله رحمان عاشقه
..
..
..
تللین آلتندا چوخور یر وار مکانیمدور منیم
صحنۀ عشقیمده عالی سازمانیمدور منیم
سینم اوستونده رقیّم نوحه خوانیمدور منیم
یاس قورار زهرا آنام تک دیده گریان عاشقه
..
..
..
نوح عشقم سینسادا کشتى اگر باک ائتمرم
نه گوزوم یاشین توکوب نه سینمى چاک ائتمرم
باشیمین قانین جمالیمدن داخى پاک ائتمرم
عاشق اولّام بوندان آرتوق اولسا امکان عاشقه
..
..
..
یولّادیم دین اوسته من اوّل جهاده اکبری
قتله یتدى قویمادیم قالسون آراده اکبری
خیمیه گتدوم ئوزوم قانلو عباده اکبری
آغلادی اولدوزلاریم اول ماه تابان عاشقه
..
..
..
نوک مژگانینده اکبر ، قانیلن مرجان دوزوب
جان دیوب جانانینه هر ناوکه بیرجان دوزوب
گور ذبیحون صحنۀ عشقه نجه قربان دوزوب
چون منای عشقیده لازمدى قربان عاشقه
..
..
..
لخته لخته قان چکوب پرده گوزه ل رخسارینه
یاری خوش منظر گؤرنده خوش گلور ئوز یارینه
شبه پیغمبردی، پیغمبر گلر دیدارینه
یاخشی عاشق یاخشی آغلار قانه غلطان عاشق
..
..
..
باغبانم گوللریم سولموش منیم گلزاریده
بیر عجایب نکته واردور بو گؤزه ل اسراریده
بیر نچه ساعت حسین وار صحنۀ پیکاریده
گچسه بو ساعت اولار هر ساعت آسان عاشقه
..
..
..
سن گلوب قانه بویاندیرما آغارمیش تللری
گون قباقینده گرک قالسون حسینون پیکری
نه منه سن سایه سال ، نه جبرئیلون شهپری
سایه بان لازم دگول مقتلده عریان عاشقه
..
..
..
صبر دریاسی، آنامدان درس آلوبسان غم یمه
سینووی ایله سپر محکم دایان هر بیر غمه
دردون اولسا قتلگهده قاتله دردون دئمه
صادر اولسا حکم قتل تیر باران عاشقه
..
..
..
عاشق عالمده گرک سلطان عشق اولسون باجی
طالب جانان اولان قربان عشق اولسون باجی
الده محکم دوتماقا ارکان عشق اولسون باجی
إئتمه سین باک اولسا هر بیر یرده طوفان عاشقه
..
..
..
آدیمه عاشق دئمزلر دینی تبلیغ إئتمه سم
دیر ترسایه کسوک باشلان جداده گئتمه سم
قارداشیم اوغلوم ئولوب بیدادخواهم بیکسم
بار سنگیندور باجی جسمیمدہ کی جان عاشقه
..
..
..
سن سپه سالارسن بیر عدّه قاره معجره
قارداشیم عبّاس سرلشکردی باشیز لشکره
سن پرستار اول ربابه ، منده عطشان اصغره
سینه سینده یر ویرر عطشانۀ لب عطشان عاشقه
..
..
آغلاما صبرایت باجی عالی سپاهون وار سنون
پرچمون زلفوندی آهون تک سلاحون وار سنون
غم حصار إئتمیش نه غلمو خیمه گاهون وار سنون
خیمه گه لازم دگول بیر خیمه سوزان عاشقه
..
..
..
آرزومندم بو چولده منده مقصوده چاتام
آلتی آیلق عاشقین قانینه قانیمی قاتام
من گئدوب خولی تنورینده کول اوستونده یاتام
کوفه ده اولسون آنام مهمان بو مهمان عاشقه
..
..
..
کوی عشقی اولمارام راضی تنوره بنذیه
راضیم مطبخ سرای خولی توره بنذیه
گون چیخا مطبخ سرا بیر پارچا نوره بنذیه
لذّت ایلر پاک خلقت پاک دامان عاشقه
..
..
..
سینه مون اوسته یاتار باجی رقیّم بو گئجه
سؤگولوم منلن اولار مقتلده باهم بو گئجه
موج ایدر دریا کمین سینمده کی غم بو گئجه
وحشیلر ماتم دوتار چاک گریبان عاشقه
..
..
..
// جواب حضرت زینب (س)///
..
..
..
من ازل گوندن حسین جان، شرکت پیمانووم
سن منیم جانیم حسین ، منده سنون جانانووم
سن ئوزون قربان دین، منده سنون قربانووم
هر قدر عمروم اولا من آغلارام قان عاشقه
..
..
زیر بار ظلمیده لازم دگول انسان قالا
نهضت دین ایلرم من دینیلن ایمان قالا
ناطق قرآن ئوله حشره کمین قرآن قالا
جدّیمون آثاریدور لازمدی قرآن عاشقه
..
..
..
ای «نخستین» آز دگول کی زینب علیا غمی
آخره یتمز نه زینب نه خانم زهرا غمی
چوخ چتین نسگیلدی چکمک دوغرانان اعضا غمی
فاطمه آغلار همیشه قانه غلطان عاشقه
..
..
..
..
#حسینیه #نخستین #وداع_نخستین #وداع #ترکی #زبدةالاشعار #حسینیه_وداع
نظر دهید