رحلت ائدوب فاطمه نین آناسی #حضرت_خدیجه_احمدیان_خسروشاهی

وفات حضرت خدیجه سلام الله علیها
#گریز به #قتلگاه
.
زبدة الاشعار
.
: @nohe_torki
.
#سبک
پخش‌کننده صوت

.
اصغر احمدیان خسرو شاهی
.
رحلت ائدوب فاطمه نین آناسی
گئتدی رسالت ائوینون صفاسی
گل آقا یابن الحسن
آغلا بو ماتمده سن
.
.
جده وون هجرینده آنان آغلادی
گوز یاشینی گول یوزونه باغلادی
یاور اسلامه عزا ساخلادی
شیر خدا فاطمه هم آتاسی
گل آقا یابن الحسن
آغلا بو ماتمده سن
.
.
آرتدی بو گوندن آناوین غملری
دلده آنا یاشلی قالوب گوزلری
وای آنا وای دلده اولوی سوزلری
اوج ایلیوب وای انا وای صداسی
گل آقا یابن الحسن
آغلا بو ماتمده سن
.
.
آغلیوب اوخشاردی حزین وای آنا
یاور اسلام مبین وای آنا
گولمز اوزوم اولدی یقین وای آنا
وار بیلورم چوخ باشیمون بلاسی
گل آقا یابن الحسن
آغلا بو ماتمده سن
.
.
بوردا دیوب وای انا جان آغلادی
گوز یاشینی ائتدی روان آغلادی
کرب و بلاده نئجه قان آغلادی
گورجک حسین جسمینی وار یاراسی
گل آقا یابن الحسن
آغلا بو ماتمده سن
.
.
سسلدی دور گلدیم اوغول یاتماسن
گوز یاشیمی خون دله قاتما سن
گوزدن اوغولسوز اناوی آتما سن
گوگلون آنانون آلار ئوز بالاسی
گل آقا یابن الحسن
آغلا بو ماتمده سن
.
.
یرده قالوب پیکرون ای وای اوغول
یوخ بدنونده سرون ایوای اوغول
بس هانی بو اللرون ای وای اوغول
اولسون آنان اللریوون فداسی
گل آقا یابن الحسن
آغلا بو ماتمده سن
.
.
هاردا قالوب صاحب هنر قارداشون
نیزه قلیج یاره سی اوخ یولداشون
یوخسا گئدوب خولیه مهمان باشون
گوز یاشیدی یاره سینون دواسی
گل آقا یابن الحسن
آغلا بو ماتمده سن
.
.
کوفه ده گللم سنه من آغلارام
باشیوه باخدوقجا سینه داغلارام
مطبخ خولیده عزا ساخلارام
بو آناوون وار نئچه هم صداسی
گل آقا یابن الحسن
آغلا بو ماتمده سن
.
.
«احمدیان» ائله نوا آغلا سن
نوحه یازوب صبح و مسا آغلا سن
فاطمه تک سسله آنا آغلا سن
دردیوه درمان ائدر ئوز آتاسی
گل آقا یابن الحسن
آغلا بو ماتمده سن
.
.
.
#رحلت_ائدوب_فاطمه_نین_آناسی
#ترکی
.
#زبدةالاشعار
.
: @nohe_torki