رنگیدن رنگه دوشن باخما بو دنیایه گوزوم #پندیات_رضوی_زنجانی

بی وفایی دنیا
گریز به وداع حضرت سیدالشهدا(ع)
.
#زبدةالاشعار
.
: @nohe_torki
.
رضوی زنجانی
.
رنگیدن رنگه دوشن باخما بو دنیایه گوزوم
قویما بیهوده گیده عمر گرانمایه گوزوم
.
زرق و برق بو جهان فانی اولاندور آخر
دقتیله نظر ائت عالم معنایه گوزوم
.
بویوروب فخر بشر حضرت مولامیز علی
باخ ایله در کلام گل مولایه گوزوم
.
عمریلر ابر مثالی گیدوری سرعتیله
نجه سرعتله گیدر ابر سالان سایه گوزوم
.
نفسیوی قانع ایله قدر معاشیله فقط
مال دنیادن اوتور دوشمه چوخ ایذایه گوزوم
.
او که انسانه قالاندی عمل خالصدی
جمع ایله آخرته توشه و سرمایه گوزوم
.
سعی ایله بحر عملده ئوزیوی غواص ائت
در اخلاصه گوره دوش دل دریایه گوزوم
.
صالح اولسان اولاجاق صوم و صلاتینده قبول
گوز یوموب پر آچاران شاخه ی طوبایه گوزوم
.
ایستیورسن سنون آسان اولا محشرده ایشین
گوز یاشی جاری ایله فخر مسیحایه گوزوم
.
او چتین گونده تمام آغلیاجاقدور گوزلر
آغلاماز آغلاسا کیم اول شه والایه گوزوم
.
هر نیندن گیچوب حق اوسته حسین بن علی
دیدی جان بذل ایدرم خالق یکتایه گوزوم
.
روز عاشور همان کرب و بلا دشتینده
اعتنا ایتمه دیدی جلوه ی دنیایه گوزوم
.
بویوروبدی باجی بو گللریمی قویما صولا
گیدورم باخمیاجاق بوردا صبایایه گوزوم
.
باغبان اول سن ئوزون گللریمه زحمتدی
چون دوشوب فیض شهادتده کی سودایه گوزوم
.
عهدیمین وقتیدی الان چاقورور ئوز جدیم
آز قالور بوسه ورا صورت طاهایه گوزوم
.
آل قوجاقیوه رقیه گلومی قویما صولا
نیزه دن هی باخاجاق اول گل زهرایه گوزوم
.
(رضوی) گوزله داخی اویما یالان دنیایه
بو گونی بوشلا دئنن باخ داخی فردایه گوزوم
.
.
#حسینیه_وداع #وداع
#رنگیدن_رنگه_دوشن_باخما_بو_دنیایه_گوزوم
#ترکی
.
.
#زبدةالاشعار
.
: @nohe_torki