روایت ایلوری راوی دییر بیر اثناده #کاظمیه_ذاکر_اردبیلی

حالات حضرت موسی بن جعفر (ع)
.
✍️ #زبدةالاشعار ✍️
.
🆔: @nohe_torki
.
#ذاکر_اردبیلی
.
روایت ایلوری راوی دییر بیر اثناده
مسافرت ائلدوم من زمانی بغداده
.
گئچنده کوچه ده گوردوم که بیر جوان سعید
الى اورکده دوروب ایلیور فغان شدید
.
گندور گندور دورور هر دم چکور اورکدن آه
اوزی اوزونه دیور لا اله الا الله
.
گهی ویرور باشینا گاهی بیر قدم گوتورور
فغان سسی در و دیواری نالیه گتورور
.
دایانا بیلمدیم آخر منی کباب ائلدی
اونون او حالی منیم حالیمی خراب ائلدى
.
یانیقلی آغلاماقی قلبیمه چوخ ائتدی اثر
دئدیم گئدیم بو جواندان آلوم بو سرّی خبر
.
اوزوم اوزومه دئدیم قورخورام جواب ائلیه
غریب و نابلدم بلکه بیر عتاب ائلیه
.
غرض یتیشدیم او نالانه بیر سلام ائلدیم
ملالتیله محبّانه بیر سلام ائلدیم
.
دئدیم نیه توکوسن گوزیاشووی بیچاره
دئدی من آغلیورام بیر غریب و بی یاره
.
دئدیم او هانسی غریبدور، سالموسان یاده
دیدی که آغلیورام من غریب بغداده
.
غریب چوخدی دئدیم آدینی بیان ایله
دئدی آدین دییرم شرطی وار فغان ایله
.
دئدیم که منده غریبم خیالیمه آلّام
توکوب گوزوم یاشینی دردیوه شریک اولّام
.
دئدی او موسی کاظمدی سبط پیغمبر
بو شهریده اونا چوخ چوخ ستملر ایلدیلر
.
دئدیم که دشمنی کیمدور، دئدی او هارون دور
دئدیم که ظلم لریندن خبر نه واروندور
.
و بیرده هاردا او ظالم اونا مكان وئردی
بیر اون بیر ایل دئدی زنداندا قالدى جان وئردی
.
دئدیم دی ظلم لرین ایلدون منی دلگیر
دیدی که بوینینا ویرمیشدیلار آغیر زنجیر
.
بو نوعی ظلمی غریبه روا گوروب هارون
پیمبر اوغلونا زهر جفا وئروب هارون
.
ئولنده زهر وئروب حبس خانه ده او شریر
صورا گتوردیله سالدیردی رختخواب حریر
.
مباد شیعه لری حبسیده گلوب گوره لر
منی ملامت ائدوب بیر بیره خبر وئره لر
.
چاغوردی دسته ی اشراف شیعه نی او گونی
باخون صورا دئمیون الده ئولدوروبلر اونی
.
یتیشدی محضرینه شیعه لر سوروشدی خبر
آقا، حالون نجه دور، ای امام جن و بشر
.
ندور سنون مرضون اولموسان بو نوعى علیل
تاپوبدی گل بدنون بو قدر ندن تحلیل
.
دونوب باخوب اولارا اللوین نشان وئردی
اشاره ایله یانان لبلرین نشان وئردی
.
#کاظمیه_شهادت
#روایت_ایلوری_راوی_دییر_بیر_اثناده
#ترکی
.
✍️ #زبدةالاشعار ✍️
.
🆔: @nohe_torki