کوفه
.
زبدة الاشعار
?: @nohe_torki
.
ابوالفضل عباسی معروفان
.
سبک …. ای قلم … جامۀ عشقوی … مطهری …
.
زینبم درد هجرانه یاندیم
کوفه شهرین پریشان دولاندیم
نیزه ده باشوه داش دگنده
من باخیب گؤزلریندن اوتاندیم
.
سرزمین محبت سراجی
عشق بازارینون سن رواجی
ان اوجا نیزه دن بیر اشاقه
زینبین وار سنه احتیاجی
.
باشدا یاره حسین غملی ساعت
سوره کهفی ایله تلاوت
صبر ایدنمور ئورک سن یارالی
من گزم ناقه لرده سلامت
.
عاشقم باشیمی منده یاررام
قانیلن عشق باغین سوواررام
باش یاراسین بو غملی سفردن
یثربه الده سوغات آپاررام
.
درد و غم زینبه یولداش اولدی
دوندی اشک تریم قانیاش اولدی
سینه مه کربلا داغ چکوبدی
کوفه کرب و بلادن باش اولدی
.
کوفه نین ملت بی حیاسی
ائتدیلر بیزلره ناسپاسی
نیزه ده باشوه داش وورانلار
ووردیلار زینبه دیل یاراسی
.
قافله باشینه کوچه لردن
کول توکور کوفیان غرفه لردن
سن کولی یاره وه مرهم ایله
من دوا آختاریم نیزه لردن
.
#سبک_ای_قلم …
پخش‌کننده صوت
#کوفه
#زینبم_درد_هجرانه_یاندیم
#معروف_اهری
#ترکی
.
#زبدةالاشعار
?: @nohe_torki
: @nohe_torki . حجّت الاسلام رسولی تبریزی . آه اوساعتدن که محشر اولدی بر پا زینبه قتلگهده تنگ و تاریک اولدی دنیا زینبه . گلدی قارداش باشی اوسته اول عزیز فاطمهبیشتر
نظر دهید