ساقی منی مست ایله کی مهمانه باخاللار #مناجات_هدایت_تبریزی

رمضانیه
–
زبدة الاشعار
?: @nohe_torki
–
هدایتی تبریزی
–
ساقی منی مست ایله کی مهمانه باخاللار
مستانه قوناقه ایله مستانه باخاللار
–
می سنده ، گوزوم سنده ، سوزوم سنده دی ساقی
ایراد ایلمه ، منبع احسانه باخاللار
–
من باخدقیجا مست اولورام سنده کی حسنه
وار سنده کی اول حشمت شاهانه باخاللار
–
خوبان قاپی وین سائلی ، سفره نده طفیلی
امّیدیله اکرامه ذلیلانه باخاللار
–
باخ بیر منه مهریله سنق دل اله گلسین
آخر گوزلیم عاشق نالانه باخاللار
–
من باخماقمین حسنی ندور لطف ایله سن باخ
شوریده سرم ، بی سر و سامانه باخاللار
–
قربان او گوزل گوزلره شیرین سوزه ساقی
هر کیمسه اولا وارد میخانه باخاللار
–
ایچدیر بیر ایچیم می منه اول ساغر لب دن
ویرانه دی گویلوم ، دل ویرانه باخاللار
–
یوخ ایله چخاریم باخاسان ، سن منه باخما
اکرام ایلینلر کی کریمانه باخاللار
–
باخ باخ ، باخشنلا یورولان روحیمی قبض ائد
گولوم قانا دونموش ، ئورگی قانه باخاللار
–
حیران دی #هدایت نجه دردین ایده عنوان
ای اهل کرم سائل حیرانه باخاللار
–

#رمضانیه
#ساقی_منی_مست_ایله_کی_مهمانه_باخاللار
#هدایت_تبریزی
#ترکی
ـ
#زبدةالاشعار
?: @nohe_torki