سالماز سو ایچن شیعه حسینی نجه یاده #فرات_خادم_تبریزی

بستن فرات
.
✍️ #زبدةالاشعار ✍️
.
🆔: @nohe_torki
.
.
مرحوم حاج احمد پورعطا ( خادم تبریزی )
.
سالماز سو ایچن شیعه حسینی نجه یاده
باغلاندی بوگوندن سویولی کرب و بلاده
.
ایچوب سو هامی لشگر
قالوب تشنه حرملر
.
پیغمبرین اولادینه سو ویرمدی اعدا
دیوان ایله یارب سن اوزون روز جزاده
.
گیرم که امامین بولوسن قتلنی واجب
خردا بالانین وار نه گناهی بو هواده
.
اوچ گون گجه گوندوز بالالار یاندی عطشدن
انصاف ایلوین اولمادی بیر اهل جفاده
.
بیر جرعه سویا اولمادی امکانی ربابون
یاندی بالاسی گلدی آنا شیون و داده
.
دوندی سو امیدی بالاسین ویردی الیندن
بولموردی بلاسین باشینون دشت بلاده
.
حجتدی امام اصغری میدانه گتوردی
محشرده بو سوزدن گوره سن اوزگه اراده
.
اثبات ایلدی کفرنی عالمده یزیدون
اسلامی او قان ساخلادی بو دار فناده
.
آلتی آیلیق اوشاق زهرلی اوخ رسمی تیرانداز
جان اوسته اوزی گور اولی طاقت او قواده
.
(خادم) باخوب آغلار بو گوارا سویا سنده
لعنت او عمر سعده بو گون ابن زیاده
.
.
#فرات #خادم_تبریزی
#سالماز_سو_ایچن_شیعه_حسینی_نجه_یاده
#ترکی
.
✍️ #زبدةالاشعار ✍️
.
🆔: @nohe_torki
.