تقدیم به سردار دلها
شهید حاج قاسم سلیمانی
.
#زبدةالاشعار
.
: @nohe_torki
.
محمدحسین ابراهیم پور خویی
.
سالوبدور دللره طوفان گینه سردار ایرانی
آچوبدور پرچم وحدت بو پرچمدار کرمانی
.
گینه پهن اولدی هر یئرده بساط عشق و آزادی
اورکده بسلیور هامّی گینه سودای ایمانی
.
تلالو ایلیور غیرت سراسر ملک ایراندا
گیروبدور دخمیه ظلمت اولوب هر یئر چراغانی
.
ضیافتدور گلور بیربیر قوناقلار کوی و برزندن
عجبدور، چون اولوب برپا خیابانلاردا مهمانی
.
کانّه ال اله وئرمیش تمام قطره لر باهم
وئروب تشکیل بیر دریا ولی دریای طوفانی
.
گلوب تجدید میثاقه او سرداریله عاشقلر
بو تبلیغات حرّیّت دوتوبدور کلّ دنیانی
.
نه سرداریکه تزریق ایلدی رگده شرف قانین
همان قان عاشق ایلوبدی شهادت امرینه جانی
.
شجاعت،استقامت،غیرت و تقوا،فداکاری
یغیشسا بیر یئره باهم اولار قاسم سلیمانی
.
دئمه گئتدی سلیمانی یئرینده جانشین یوخدی
یئرینده قدرتیلن اگلشوب سردار قاآنی
.
بو سردار سلیمانی ائدوب سینه سپر خصمه
اولوب کابوسِ دشمنلر سالوبدور خوفه شیطانی
.
برای اینکه سنلن من یاتاخ آسوده منزلده
ائده ایجاد امنیّت دولاندی قانلی میدانی
.
همان میداندا دشمنلر ائدوبلر ناجوانمردی
ووروبلار بی هوا بیردن او سردار شهیدانی
.
دوشوبدور صاق قولی تندن ره حقده شهید اولدی
بو غم معناده آغلاتدی یقین امّ ابیهانی
.
بو قول دوشماقلیقین دردین خانم قبلاً ده گورموشدی
ائدوب بو غصه زهرایه تداعی اول قضایانی
.
او وقتیکه گوزل اوغلی ائدوبدور عزم نخلستان
یاخین یولدان گلوردی تا سووارسین باغ سلطانی
.
ولی افسوس دشمنلر او نخلستاندا گیزلندی
نلر اولدی داخی ائتمم بو بحثی چوخدا طولانی
.
ووروبلار قوللاری دوشدی چالوب زینب الین باشه
اسارت امرینه ائتدی خانم آماده طفلانی
.
حسین سسلندی دور قارداش غموندن دای بئلیم سیندی
آدامسیز قالمیشام نیلوم منه گولدورمه اعدانی
.
بلی قارداش غمی(دلخون)چتین محنتدی دنیاده
حسینه تسلیت سویله قوتار بو غملی دیوانی
.
.
#قاسم_سلیمانی_ابراهیم_پور
#سالوبدور_دللره_طوفان_گینه_سردار_ایرانی
#ترکی #انتقام_سخت
.
#زبدةالاشعار
.
: @nohe_torki
نظر دهید