سالوبدولار سنی آتدان هایاندا یاولدی #اکبریه_یحیوی_اردبیلی

زبانحال امام در بالین حضرت علی اکبر (ع)
.
#زبدةالاشعار
.
: @nohe_torki
.
مرحوم یحیوی اردبیلی
.
سالوبدولار سنی آتدان هایاندا یاولدی
ضعیف گلور سسون هانسی مکاندا یاولدی
.
سحرگه اولدوزی تک گئج چیخوب نه تنز باتدون
یوزیوی گوردیلر آنجاق جهاندا یاولدی
.
گوروندی سرور آخر زمان کیمی سنده
آیون بولونمگی آخر زماندا یاولدی
.
آتام علیلن آنام فاطمه باخوب آغلار
دوتولمیش اولدوزوما آسماندا یاولدی
.
اولوبدی قاتلیم آماده قتلیمه بی جا
من ئولمیشم سنی دشمن یخاندا یاولدی
.
آناوا باجووا صبر ایلسون عطا الله
بو قانلی نعشه مقابل اولاندا یاولدی
.
آنان دیَر وای اوغول وای باجون دیر على وای
بیبون گرک نه دئسون آغلیاندا یاولدی
.
دئسون گرک قدی چوگان اولان حسینیم وای
جوان سرو قدی دوغراناندا یاولدی
.
گوره بو حالیوی کافر کباب اولور جگری
سن ال ایاق چالوسان لخته قاندا یاولدی
.
باتوبدی قلبیمه معناده نوک شمشیری
او کینه جو سنه ضربت ووراندا یاولدی
.
مروّت ایلمیوب رحم قیلمیوب قاتل
گل ریاض رسولی پوزاندا یاولدی
.
ضریح انوریوه ایسته «یحیوین» قوناق
زیارت ایستیوری سؤز یازاندا یاولدی
.
.
#اکبریه_شهادت
#سالوبدولار_سنی_آتدان_هایاندا_یا_ولدی
#ترکی
.
.
#زبدةالاشعار
.
: @nohe_torki
.