سامرا ماتمسرا اولدی بو گون #الهادی_سیدبشیرحسینی

عزای امام هادی علیه السلام
.
.
.
سید بشیر حسینی میانجی
.
.
سامرا ماتمسرا اولدی بو گون
غصّه لی بیر ماجرا اولدی بو گون
حضرت هادی وئریب زهریله جان
دین و قرآنه فدا اولدی بو گون
.
.
یاس دوتوب پیغمبر آغلار هادییه
جنّت ایچره حیدر آغلار هادییه
سلسبیل و کوثر آغلار هادییه
سامرا کرب وبلا اولدی بو گون
.
.
معتمد ظلمینده طغیان ایلدی
قلب پاک شیعه نی قان ایلدی
حضرت زهرانی نالان ایلدی
عترته آیری جفا اولدی بو گون
.
.
یاس دوتوب اهل ولایت وای وای
چون اولوب روز شهادت، وای وای
باتدی خورشید هدایت وای وای
جامه ی عالم قرا اولدی بو گون
.
.
گلشن دینه اونومجی باغبان
سامراده وئردی چوخ نیسگیللی جان
آغلادی احوالینه پیر و جوان
مجلس ماتم به پا اولدی بو گون
.
.
غسل وئردی نعشینه اوغلی حسن
طبق شرع احمدی، ائتدی کفن
اوز ائوینده دفن اولوب شاه زمن
عسکری صاحب عزا اولدی بو گون
.
.
یاده سال ای دل حسینون یاسی نی
محنت جانسوز عاشوراسی نی
زینبین درد و غم عظماسی نی
سؤیله دی قّدیم دوتا اولدی بوگون
.
.
ای یارالی قارداشیم باخ زینبه
غملی یولدا یولداشیم باخ زینبه
چوخ بلا چکدی باشیم باخ زینبه
همدمیم درد و بلا اولدی بوگون
.
.
ای شهیدان جهانین سروری!
ای جوانان بهشتین برتری!
ای قالان توپراقلار اوسته پیکری!
رینبون بی اقربا اولدی بوگون
.
.
یاسیوی هر یاسدا یاد ایلر «بشیر»
سندن هر بیر یئرده آد ایلر «بشیر»
یاسلی لار تک آه و داد ایلر «بشیر»
سؤیله یر قلبیم منا اولدی بوگون
.
.
.
#الهادی_شهادت
#سامرا_ماتمسرا_اولدی_بو_گون
#سیدبشیرحسینی
#ترکی #الهادی
#زبدةالاشعار