شهادت حضرت علی اصغر (ع)
.
#زبدةالاشعار
.
: @nohe_torki
.
ثابت اردبیلی
.
سو اوسته اصغریم اوخلاندی زینب
آلیشدی بو دلیم اودلاندی زینب
.
.
یتیشدی باشه زینب أمتحانیم
گرک گوداله آخسون لخته قانیم
باجی کرب و بلا اولسون مکانیم
جوانانیم سوسوز دوغراندی زینب
.
.
شهادت وقتنه آز قالدی اختا
باجی گوزلر منی عقباده اُمّا
عربلر ال چالوب ایلر تماشا
گوروبلر غنچه گل الواندی زینب
.
.
بوغازیندان اوخی چکدیم آخوب قان
دولاندوم کربلانی دیده گریان
منه یوم قیامت دور نمایان
حسینون قتلنه فرماندی زینب
.
.
قلم عاجز قالوب جنگ و جداله
گرک منده گیدم عطشان قتاله
عدو آتش ورار جاہ و جلاله
بیزه ظلم و جفا باشلاندی زینب
.
.
.
قالوب گهوارۀ ششماهه خالی
ربابی خیملرده ائتدی حالی
بالاسی اوخلانوب آرتار ملالی
اورکده غملرى طغیاندی زینب
.
باجی پیمانیمون اسراری چوخدور
قیامت شاهدیم اوچ شعبه اوخدور
حسینه بیر کمک دنیاده یوخدور
ازل ثابت اولان پیماندی زینب
.
.
#اصغریه_ثابت_اردبیلی
#اصغریه_شهادت
#سو_اوسته_اصغریم_اوخلاندی_زینب
#ترکی
.
#زبدةالاشعار
.
: @nohe_torki
سید محمد #عاملی . کربلایی ابوالفضل عباسی معروفان اهری (معروف) . آچ گؤزلرین یورقون قوناقیم یورقون بالام دوشدی نفسدنبیشتر
نظر دهید