سو قولی قیزلارا وئردیم حسین جان #عباسیه_غمکش

زبانحال حضرت ابوالفضل (ع)
.
#زبدةالاشعار
.
: @nohe_torki
.
.
مرحوم غمکش
.
سو قولی قیزلارا وئردیم حسین جان
فراته وارد اولدوم من لب عطشان
سو مشکین دولدوروب چیخدیم شتابان
اؤزوم سو ایچمدیم اول لحظه قارداش
گلیردیم آلدی دوریم قوم اوباش
.
.
یولوم هر دورد طرفدن اولدی مسدود
دگوب اوخلار توانیم اولدی محدود
آغیر میدان اوزاق یول چاره معدود
ستملن قوللاریم دوشدی بدندن
گئنه ال چئکموری اشرار مندن
.
.
رواندی چشمه تک هر یاره دن قان
آلوب آرامیمی شمشیر و پیکان
اوجالدیر هلهله افلاکه عدوان
علاجیم قطع اولوبدی هر طرفدن
گوتورمور اوخ آتانلار ال هدفدن
.
.
گئنه جسمیم اولور هر آن نشانه
خدنگ و خنجر و تیر و سنانه
یارالی پیکریم غلطاندی قانه
گؤزوم یولدا اورکده آه و افسوس
قولومدان اولموشام میداندا مأیوس
.
.
دگوب بیر اوخ سو مشکیم پاره لندی
بدن یارئیدی قلبیم یاره لندی
ایشیق گون گؤزلریمده قاره لندی
بو غم سقادن آلدی صبر و طاقت
سوسوزلاردان عجب اولدوم خجالت
.
.
آدیم سقا سویوم یوخ لبلر عطشان
باخور نهره گؤزوم زار و پریشان
قولوم پیکرده یوخ سینمده دی جان
حسین سندن واریمدی بیر تمنّا
منی قویما دم آخرده تنها
.
.
گرفتار اولموشام صیّاد الینده
اسیرم فرقۀ بیداد الینده
باشیم قارداش قالوب جلاد الینده
امانیم یوخدی سایسیز تیرلردن
وجودیم دوغرانوب شمشیرلردن
.
.
اگر فریادیمه گلسون یوبانما
منی سال یاده تلّ اوسته دایانما
هجوم کوفیانی سهل سانما
یوبانسون گر قالار اللرده باشیم
یولا گؤز تیکمه سین دئ آل هاشم
.
.
یارالی قلبیمی آلام سیخدی
جفا اندازه دن نهر اوسته چیخدی
عمود عبّاسوی توپراقه ییخدی
اگر گؤرسون بو دشتی لاله رنگی
بیلرسن نیلیوب منلن اوزنگی
.
.
دوشنده توپراقا زین اوستن امّا
اشیتدیم بیر صدای محنت افزا
اوغول وای سسلیور گؤردوم کی زهرا
یئره دوشمه دئیور عبّاس اوغول گل
یارون چوخدی سینم اوستونده دینجل
.
.
سنه قربانم ای شاه ولایت
گل آز قالدیم ائدم درک شهادت
بیلورسن ایلمزدیم من جسارت
نه نم زهرا گلوبدی قوی دئیوم فاش
عجب بیر گلمه لی موقعدی قارداش
.
.
#عباسیه_غمکش
#عباسیه_شهادت
#نوحه_های_محرم_غمکش
#سو_قولی_قیزلارا_وئردیم_حسین_جان
#ترکی
.
#زبدةالاشعار
.
: @nohe_torki